Omupresidente gwaKenya a gana okumona iimaliwa ya yakwa po

0
15
Kenyan President Uhuru Kenyatta reviews an honour guard before addressing a special legislative session in parliament in Nairobi on October 6, 2014. Kenyatta said he will go to the International Criminal Court, where he faces charges of crimes against humanity, becoming the first sitting president to appear. Kenyatta, 52, faces five counts at the ICC over his alleged role in masterminding post-election violence in 2007 and 2008 that left 1,200 people dead and 600,000 displaced. AFP PHOTO/ SIMON MAINA

Nairobi – Omupresidente gwaKenya, Uhuru Kenyatta mEtitatu okwa gana kutya oomiliona U$80 dha yakwa mehangano lyaanyasha moshilongo moshikumungu oshipe shokulunga nokwiitapula odhi na okumonika.
“Otu na okumona iimaliwa ayihe mbyoka ya yakwa po. Kape na ohenda naafuthi. Omasiku gawo otaga yalulwa. Otaya ka pangulwa nokutulwa mondholongo,” Osho a ti momushangwa.

MEtiyali, aafekelwa ye li 24 yomaafekelwa 54 oya li ya patululilwa iipotha yokulonga shaa li pauyuuki, mwa kwatelwa omukuluntu gwoNational Youth Service (NYS), Richard Ndubai, osho wo amushanga omukuluntu Lilian Omollo.
Ayehe oya ti kaye na ondjo mompangu moNairobi.
Oshikumungu aniwa osha kwatela mo iifuta ya nika uulingilingi yoomiliona yiilongomwa nomayakulo, ngoka ga monika kutya kage shi goshili.

Ondjundo yoshikumungu shika oya geyitha aantu oyendji moKenya moka mu na onkalo yokudhengela ondhi peho yi li pombanda, moka iimaliwa oyindji hayi kana olundji naakwashigwana oyendji ohaya tala ko ashike.

O-NYS oshiputudhilo shokugandja omadheulo, shoka osho shi li tashi kutha po omukundu omunene gwokwaa na iilonga moshilongo
Okuya moshiputudhilo shika otashi zi kungoye mwene, naagundjuka ohaya pewa okashona kokwiikwatha manga taya mono omadheulo gopautekenika nokulonga moopoloyeka dhepangelo.

Moshiholelwa shimwe shokulunga nokwiitapula, iikundaneki moKenya oya lopota nkene NYS a futa onyama ya kotha oomiliona U$10 momvula yimwe, sha hala okutya kehe omunyasha e li moshiputudhilo shika oku na okukala a lya ookilohalama 66 dhonyama esiku kehe.
Metumwalaka ndyoka lya li lya gandjwa oshita kaanadiplomate, mwa kwatelwa aakaleli po yaKenya koUnited States, United Kingdom, Germany, European Union, Australia naCanada oya li ya taamba ko etamaneko lyaanambelewa mbaka ndyoka lya ningwa mbala.
“Okulunga nokwiitapula okwa kala ethimbo nuule taku tula Kenya pevi. Shika osho okuyaka aantu yaKenya. Otatu indile mboka ye na oonkondo ya kuthe etokolo mbala.”

Ashike aantu yamwe otaya ti aantu owala yamwepo oyo taya tamanekwa ku gamenwe omitse ominene, moka mwa kwatelwa aakuluntu yoombaanga, ministea ngoka a li ko pethimbo lyoshikumungu shika naakuluntuwiliki yoshiputudhilo shika.

Oshikundaneki shoDaily Nation osha li sha dhimbulutha mEtiyali kutya moshikumungu shilwe msha li ko mo 2015 moNYS omo tuu moka, oomiliona U$7 odha li dha yakwa mo mokupitila mokunanena oondando pombanda niifuta yaa shi yoshili, aafekelwa ayehe oya li ya mangululwa molwa okwaa he na uumbangi wa gwana muMaalitsa nuumvo.
– NAMPA / AFP

LEAVE A REPLY

Please enter your comment!
Please enter your name here