Ondaanisa tayi dhenge po uutalala Olyomakaya ndjika

0
28

Komutoolinkundana

WINDHOEK – Uunona woothigwa naulwe mboka wa pumbwa omakwatho poTov HIV/AIDS Orphhans and Vulnerable Children Organisation moTsumeb Olyomakaya ndjika otawu ka ya mondambo yokundaanisa pwaa na oluthuwo opo ku gongelwe oshimaliwa okuza moshigwana. Omugandjimayele gwehangano, Reverend Edward Amadhila ota ti iimaliwa oya pumbiwa mokulongithwa oku ka landa iikutu yopethimbo ndika lyuutalala. Ehangano oli na onkwa naanona ye li moonkalo dha pumbwa omakwatho moTsumeb nomomidhingoloko dhopopepi, nohali ya pe olukalwa, iikulya yoshali, osho wo oonzo dhokwiilongitha.

Amadhila ta ti ondaanisa otayi pitike aanona yi inyanyudhe momukalo tagu tungu. “Ondaanisa otayi pe uunona ompito u mone kutya iimaliwa otayi zi peni,” ta ti ngaaka. Iikutu yuutalala oya pumbiwa noonkondo kuunona owundji mboka hawu iyogo omeya omatalala nowa za momagumbo ga nika uuhepele.

“Okwenye huka okwa talala nayi noonkondo nomuntu oto ipula kutya uunona mboka wu li moombashu tau lala pevi. Evi ohali vulu okututa ngoye to ipula uukumbatha mboka ye na.,” Amadhila ta ti.

Ta ti uupyakadhi wumwe wokwenye owo mbuka kutya uunona owu na okwiiyoga nomeya omatalala ongula, oshoka kaye na olusheno. Natango uunona owu na okupenduka po 6, pethimbo ndyoka natango ku na omilema noya tegelelwa ye ende momilema okuya kosikola.
Ashike ope na oshinima shimwe tashi kumitha, Amadhila ota ti uunona mboka wa za moombashu kawu kala aluhe wu shi kutya otundi ongapi, nuuna taku ti na ya thike kosikola pethimbo, oyendji ohaya thiki natango ya tokelwa oshoka okunongela ethimbo moombashu kali kwatekeka.

LEAVE A REPLY

Please enter your comment!
Please enter your name here