Devine Sky a pititha okangalo pamwe naExit naTequila

0
29

Pinehas Nakaziko

WINDHOEK – Okakadhona koomvula 23 kedhina pakuudha Tuyeni Gotlieb, ka tseyika nawa noongalo dhopambepo onga Devine Sky, osho ka uvathana naahikingalo mboka aanene moongalo, Exit naTeguila ya imbe ongalo yedhina Resurrection (Eyumuko), ndjoka ya li ya pitit oshiwike sha zi ko, noyi li tayi inyenge nawa komapandja gwointaneta.

Okangalo haka otaka ka kala moalbuma yaDevine Sky, ndjoka ya tengenekwa yi ka pite pehulilo lyomvula ndjika, nokwa ti otaka ka kala komuungalo we mboka wa dhenga mbanda.

Mokangalo muka omuhikingalo nguka ota popi nkene a yumuka, okuza sho a tameke okulongela kalunga. Noku li ta kumagidha ayehe opo ya itedhulule.

Devine Sky okwa ningi uule woomvula ndatu ta imbi oongalo dhopambepo, nomo 2016 okwa li a pititha okavidio kokangalo ke kedhina Me&Jesus, hoka ka li ka piti pamwe nokaviidio ka thanekwa kuDavid Grand moshilando.

Okangalo haka ka imbwa nelaka etoye oka li taka popi nkene Devine Sky a tokola opo a kale pamwe naJesus.
Shika osha landula ishewe sho Divine Sky a li a pititha okavidio ke kotango kedhina Why, muMei mo 2016, moka a li a imbi kombinga yomadhipago ngoka taga ningilwa oomeme.  Nonando ongawo, Divine Sky okwa ti ye okuza ashike kuunona we okwa kala e na ohokwe yoongalo dhoGospel, oshoka okwa kokela megumbo ndyoka li hole uukriste  nongelekakaaku na we.

Divine Sky okwa li a tameke okwiimba manga a li ha hiti oosikola dhosoondaha, nokuza mpoka okwa kala nokutalela po oostudio opo a tameke nokulonga noalubuma ye. “Onda kala nokutala nkene aahikingalo haya eta po omaimbilo gawo, nonando okwa li ndi shi oshinima oshidhigu,” Divine ta ti ngaaka.

Eimbilo lye lyotango He lift you up, ndyoka tali ti ye okwe ku humbata po. Nonando ongaaka, Divine okwa ti, oku na ohokwe onene yokwiimba, noku uka komeho. Sigo oompaka oku na omaimbilo ge vule pugatano, ngoka taga inyenge nawa komapandja gointane

LEAVE A REPLY

Please enter your comment!
Please enter your name here