Iimbuluma nayi hule po moshilongo

0
34

Victoria Kaapanda

MPUNDJA – Ewawa lyopolosi yi iyamba lyoomeme nootate, tali ithanwa Women and Men Network, olya totwa momukunda Uuleke moshikandjohogololo shaMpundja moshitopolwa shaShana oshiwike shika.

Kansela goshikandjohogololo shaMpundja Adolf Uunona okwa li a popi moshigongi shoka sha ningilwa pendiki lyUuleke, ndjoka ya kalela omikunda dhi li ine, omikunda ndhono dha ninga ethimbo kaadhi na aapolisi yomomikunda mboka taya vulu okukandulapo nenge okukeelela uupyakadhi uuna we ya po.

Uunona ta ti aayiyambi ya adha po50, oya li ya tokola nomukumo oku iyambela omikunda dhawo, opo ya vule okulwitha iimbuluma momikunda adhihe dha Mpundja.

“Ewawa ndika lyoomeme nootate otali iyamba olya ilongekidha lela, oshowo epangelo nalyo olyi ilongekidha okukwathela aapolisi mbaka yomomukunda,” Uunona osho a ti ngaaka.

Kansela ta ti okwa li she mu nyanyudha sho a li a lopotele opolisi yaNamibia kombinga yokangundu hoka ka iluka “Dhenga O Domu” momikunda ndhoka nokwa li ta ka hepeka aakalimo yomomikunda ndhoka. Opolisi oya li ya kutha onkatu ee tayi ka konga mo ongundu ndjoka.

Omukuluntu goPolice yaShana Petrus Iimbili okwa li a yelitha nawa moshigongi kutya nge taku popiwa Women and Men network, otaku popiwa aapolisi taya iyamba okulwitha imbuluma mboka taya kala taya gongala ethimbo nethimbo noonkondo dhawo, ashike inaya uvanekelwa nando oshimaliwa sha sha,

Iimbili ta ti Aanamibia naya iilonge okwiiyamba moshilongo shawo, kape na ngu ta zi koshilongo shilwe te ya i iyambe moshilongo shawo. Kehe gumwe moshilongo okwa manguluka oku iyambela uupolisi womomikunda ashike na kale e na elalakano limwe lyokulwitha nokukelela iimbuluma.

Okwa li wo a kumagidha mboka ya iyamba kutya inaya longitha nayi uuthemba ya pewa kopolisi, oshoka shawo okulopotela owala opolisi shoka sha puka, yo polisi tayi ya yi longe iilonga yawo.

“Kehe ngoka ta ka umba aapolisi mbaka yomomikunda iitya iiwinayi nenge te ya tuka, opolisi ohayi ilongekidha okuya okulonga naye, kape na nando uudhano,” Iimbili ta ti

Iimbili ta ti nashininge ehulilo okulanda iinima tayi landithwa momapandanda ngele wa mono oshinima tashi limbililike moshigwana tashi landithwa shi lopota kopolisi.

“Monena otatu yeni owala komeho ngela twa mangele uukini kumwe ee tatu longeleni kumwe,”
Iimbili ta ti, ta gwedha po kutya moshitopolwa shaShana kamuna nando ehala lyiimbuluma oshowo moshilongo ashihe shaNamibia.
“Tu longeleni kumwe,” Iimbili ta ti ngaaka.

LEAVE A REPLY

Please enter your comment!
Please enter your name here