Olye mwene gwoombaanga dhaNamibia?

0
124

Tileni Mongudhi

WINDHOEK – Embangoloto lyoSmall Medium Enterprises Bank (SME Banka), osho wo elandithopo lyoEbank koFirst National Bank olya eta omapopyo nomaipulo ogendji kombinga yoshikondo shoombaanga moshilongo. Oshikando shahugunina mwa li mu na elunduluko enene moshikondo shika omo 2003 sho FNB a yangata po Swabou, Oshikondo shika shoombaanga shin a omaliko ga konda oobiliona R110, osho wo iiyemo ya konda poobiliona R4, epulo oli li mpano kutya olye naana mwene gwoombaanga moNamibia? Oshikondo shoombaanga osha tonatelwa nooveta odhindji, moka unene okutula uuyelele puuwayela osho shimwe tahi yaga kegonga, oSouthern Times oya ningi etokolo opo yi ninge onkambadhala yokufatulula onete ndjika ondhigu okuuva ko, taku longithwa uuyelele mboka wa gandjwa moshigwana. Kape na ombaanga ya ningwa nayo ekwatatahno lyopambelewa, uuyelele owundji owa adhika kointaneta, osho wo moolopota dhoombaanga dhokomumvo, uuna oolopota ndhoka dha monika nuupu.

Bank Windhoek
Bank Windhoek oyo ombaanga yimwe yi li momake gaantu ya yoolokathana moNamibia noya yalulwa yi li pombanda ngele otashi ya kenkondopeko lyeliko moshilongo. Ombaanga ndjika oya li ya totwa po mo 1980, konima sho ohahende Koos Brandt li a kwatele komeho ongundu yaanangeshefa Aanamibia ya lande po shoka sha li hashi ithanwa Volkskas Beperk (Moshimbulu shoka tashi ti ombaanga yaantu).
Volkskas Beperk oya li ombaanga yethimbo lyepangelo lyokatongo yeeAfrikaner ndjoka ya li ya totwa mo 1934 onga ombaanga tayi kwathele okugandja omikuli.

Mwene gwombaanga ndjika okuudha oCapricorn Group Holdings, ndjoka yi na iipambuliko moongeshefa dha yoolokathana odhindji moNamibia. Omvula ya za ko, omaliko gawo oga li ga tengenekwa ge li poobiliona N$32 manga inaamu kuthwa iifuta yokomumvo yepangelo, niiyemo yawo sho mwa kuthwa iifuta ya li pobiliona N$1,2. Iipambuliko yoopelesenda 26 dhaCapricorn odhehangano lyokupungula oopenzela dhaaniilonga ayehe yepangelo, Government Institutions Pension Fund (GIPF). Oopelesenda omulongo odhaNamic Financil Services Holdings, ndjoka yi li okampani yehangano lyaaniilonga yomoomina lyoMine Workers Union of Namibia, Oopelesenda 20 odhAanamibia oyendji, gumwe gomwaamboka oSouthern Times yi shi okutotha mo omunangeshefa omunene namwene gwoIndongo Group of Companies, Frans Aupa Indongo okupitila mehangano ndyoka lyofamili ye. Oopelesenda 40,7 dhombaanga ndjika odha Capricorn Investments Holdings, ndjoka yi li momake gomahangano omu-11 gaNamibia moka mwa kwatelwa omahangano gaangoka a li nale omunashipundi gwombaanga Koos Brandt, osho wo omunashipundi mopaife gwoBank Windhoek, Johan Swanepoel.

Aanamibia yalwe aaluudhe ongaashhi Ben Hauwanga gwoBH group of Companies naBen Zaarukua ngoka a tota po Benz Building Supplies. Aanamibia yalwe mboka ye shiwike ye na mo iipambuliko ongaashi mayola gwotango omuluudhe gwaWindhoek, Matheus Shikongo naPrince Shiimi. Omanga oopelesenda 3,2 dhiipambuliko odhomapungulilo gaaniilonga.

Kakele kokukala oyo mwene gwoBank Windhoek, Capricorn Group Holdings oyi na ishewe omahangano gamwe momake gawo ngaashi Namib Bou, Capricorn Unit Trusts Management Company noCapricorn Asset Management, oyi na wo iipambuliko miikondo yilwe yaNamibia yaashi moshikondo shombaanga, oopelesenda 28 mehangano lyokukwashilipaleka lyoSantam Namibia noopelesenda 29,5 moSanlam Nmibia. Mo-SADC, Capricorn Group Holdings okwa lyata momangeshefelo gaBotswana naZambia. MoBOtswana, ehangano ndika oli na mo oopelesenda 68,7 moCapricorn Investments Holdings Botswana Limited, ndjoka oyo yi na mo oopelesenda 100 moBank Gaborone. MoZambia, oyi na mo oopelesenda 97,9 moCavmont Capital Holdings Zambia, ndjoka oyo yi na mo oopelesenda 100 moCavmont Bank.

First National Bank of Namibia (FNB)
First National Bank of Namibia Limited oyo ombaanga onene moNamibia niiyemo yayo yo2017 manga inaamu kuthwa iifuta yepangelo yokomumvo oya li pobiliona N$1,6 omanga omaliko gawo ga li poobiliona N$34. FNB nambia oyi li momake gp-FNB Namibia Holdings oopelesenda 100, ndjoka oopelesenda dhawo 58,4 dhi li momake gehangano lyaSouth Africa, FirstRand EMA Holdings. OGIPF oyi na mo oopelesenda 14,8 omanga oopelesenda dha hupa ko 26,8 dhi li momake goshigwana. Oopelesenda 5 dhoFirstRand odha pewa wo ehengano lyokunkondopaleka aanangeshefa aaluudhe moNamibia, moka opelesenda yimwe ya pewa aaniilonga aaluudhe, omanga oopelesenda 4 dha pewa ongundu yaanangeshefa aaluudhe. Aanangeshefa aaluudhe mboka ye shi okutumbulwa muka omwa kwatelwa Mwahafa Ndilula osho wo Ranga Haikali. FNB Namibia Holdings oyi na mo wo oopelesenda 51 moOutsurance Insurance Company Namibia Limited. Ehangano olyo tuu ndika oli li na mo oopelesenda 100 mo-RMB Namibia no-FNB Namibia Unit Trusts Limited.
FNB recently concluded a transaction to purchase 100 percent of the shares in Pointbreak and launched Ashburton Investments in February 2017.

FNB oya manitha wo omasiku ngaka okulikola iipambuliko yoopelesenda 100 dhiipambuliko yaPointbreak noku yap o nehangano lyedhina Ashburton Investments muFebruary 2017.

Standard Bank Namibia
Ombaanga ndjoka yi na omaliko ge thike poobiliona 27, oStandand Bank ndjika yi li momusholondondo gwomahangano ngoka ge li koNamibia Stock Exchange (NSX), oya li ya gandja iipambuliko yawo ayihe yayo koStandard Bank Holdings Limited okuza mu 01 Januali 2011. Standard Bank Holdings Limited oyi li onga oshitayi shomapungulilo yi na oopelesenda 100 dhiipambuliko yaStandard Insurance Brokers Namibia Limited, ehangano ndyoka lyokukwashilipaleka. Oyo wo mwene gwoStanfin Namibia Limited, ndyoka wo lyokukwashilipaleka. Olopota yokomumvo yo 2017 otayi ulike kutya Standard Bank Group Limited oku na mo iipambuliko yoopelesenda 90 omanga oopelesenda 10 dhehangano lyaaniilonga Purros Investment Trust. Muule woomvula dhi li 10 dha za ko odha mona Standard Bank a nduluka po opolohalama yokupitika Aanamibia ya vule okulanda iipambuliko. Omvula ya za ko iiyemo yawo manga inaayi futa iifuta yokomumvo yepangelo oya li lwopoomiliona N$780

NedBank Namibia
Ehangano lyaSouth Africa lyoNedbank Group Limited olyo tali wilike NedNamibia Holdings Limited noopelesenda 100 moNedbank Namibia Limited niitayi ye yoNedProperties Limited, NedCapital Namibia Limited, NedPlan Insurance Brokers Namibia Limited noCoversure Limited. Nedbank Namibia oku na mo oopelesenda 100 miipambuliko ya-CBN Nominees Limited, Oopelesenda 80 moNedloans Limited, oopelesenda 50 moTen Kaiser Wilhelm Strasse Limited noopelesenda 50 moWalvis Bay Land Syndicate Limited.
Uuyelele mboka wu li kepandja lyopaungomba lyehangano ndika itawu gandja naana oshindji kombinga yoolopota dhawo. Uuyelele mboka wu li moshigwana otawu ulike kutya oya li ya mono iiyemo yoomiliona R300 manga inaamu kuthwa iifuta yepangelo yokomumvo, yo yin a wo omaliko gongushu yoomiliona R16. Momumvo 2006, Old Mutual okwa li a tseyitha kutya okwa ninga okontalaka yoomiliona N$308 noBlack Economic Empowerment. Okontalaka ndjika oya li yi na okukwatela mo aanangeshefa Aanambia aaluudhe moOld Mutual Namibia, Nedbank Namibia noMutual and Federal Namibia. Iipambuliko mbika oya li yi na okukala oopelesenda 12.64. Pethimbio shika kwa li tashi tseyithwa, okwa li taku tengenekwa tashi ka yambula po Aanamibia aaluudhe ye thike po250 000, mwa kwatelwa aaniilonga, omahangano gaaniilonga, omahangano goomeme noongundu dhoongeleka, osho wo aanangeshefa . Inashi yela sigo opaife kutya osha hulila peni.

Trustco Bank
Hauyelele owundji wa monika kombinga yooyene noolopota dhoshimaliwa komalungula. Trustco Bank oyi li oshitayi shoTrustco Group International, ehangano eNamibia ndyoka lya tungwa po kuQuinton van Rooyen, ndyoka li na oongeshefa momatungo, okukwashilipaleka, uungomba nomoomina.

Hauyelele owundji tawu adhika kepandja lyaTrusco kointaneta kutya oyi li momake goolye nenge kombinga yoshimaliwa.
Mo 2014, Trustco okwa li a landa po iipambuliko yaFides Bank, ndjoka ya li ombaanga tayi kwathele aanangeshefa aashona noshimaliwa pamukalo gwomikuli.

Bank BIC
Bank BIC, oyo yimwe yomoombaanga oompe moNamibia. Ope na uuyelele uushona tawu adhika komalungula. Ashike otaku lopotwa kutya omukulukadhi ngoka oye e li omuyamba muAfrica, Isabel Dos Santos, oku na mo oopelesenda 42 mehangano ndyoka olyo tali wilike Bank BIC, lyedhina Banco BIC Angola, ndyoka wo yi na mo omangeshefelo moPortugal nomoCape Verde. OSouthern Times oyu uvite kutya Aanamibia oye na mo oopelesenda 35 moBank BIC, moka omunambaanga Lindsay Crawford oye e na mo iipambuliko oyindji.

Letshego Bank
Ombaanga yimwe opo ya totwa yoLetsego Bank, mboka Aanamibia oyendji ye shi ashike kutya ehangano ashike lyokugandja oshimaliwa oshishona. Epandja lyawo lyokomalungula otali ulike kutya oopelesenda 85 dhombaanga odhi li momake gaLetsego Holdings Limited, ehangano ndyoka lyaBotswana.
– Oshinyolwa shika osha nyanyangidhilwe tango moshifo shoThe Southern Times, shoka shi li oshifo shoNew Era Publication (shoka hashi nyanyangidha oNew Era naKundana) pamwe naZimPapers, ndjoka yepangelo lyaZimbabwe.

LEAVE A REPLY

Please enter your comment!
Please enter your name here