Saara a sindana po oshikoloni shaMiss Totem Expo nuumvo

0
63

Pinehas Nakaziko

WINDHOEK – Enzuna lyoomvula 21, Saara Shipuata oye a ningi okakadhona dhingi kaMiss Totem Expo nuumvo, oshiindingili shoka sha li sha dhanenwa pokapale kemanguluko kaShakati, ongulohi yEtitano lya piti.

Euliko lyokakadhona ndika okwa li lya etwa po keuliko lyiipindi lyaShakati lyoTotem Expo, pamwe nehangano lyoKashipu Investment CC, ndyoka hali longekidha omainyanyudho ga yoolokathana monooli yoshilongo.

Aasindani ooyakwawo ongaashi Adelheid Antonio, ngoka a sindana oshikoloni shoFirst Princess, omanga Melania Mathew a sindana oshikoloni shoSecond Princess. Miss photogenic okwa li a sindanwa po kuBernadette Aipinge.

Aasindani mbaka oya li ya sindana omagano ogendji, mwa kwatelwa iimaliwa koomuma, naSaara okwa li nokuli a yi kegumbo noodola dhaNamibia 3000, nokakalata koodola dhaNamibia koodola 850, okuziilila kositola yoonguwo yoFashion World.
Adelheid okwa sindana oodola dhaNamibia 2000, omanga Melania a sindana oodola dhaNamibia 1000. Komayinyanyudho ga kwata miiti kaahikingalo yomoshilongo okwa li ga etwa po kuAdora, Tulisan, Omfally naZXX, aahikingalo mboka ya li ya nyanyudha engathithi lyaatali mboka ya li ya holoka peuliko olyo tuu ndika.

LEAVE A REPLY

Please enter your comment!
Please enter your name here