Uudhano woRugby wa yumuka mOshakati

0
25

Shipi Elago

Oshakati – Uudhano woRugby mboka wa li wa shuna pevi momimvo dha zi ko ngashiingeyi owa yumuka po nowu li wa nana omwaalu gwoohiinina oyendji okuyelekanitha nomonakuziwa, sho uudhano mbuka wa li ashike hawu dhanwa kaatiligane.
Ongundu yaadhani yoRugby oyi li ya ninga oshuulilo pokapale koRugby kosikola Erundu mOshakati mpoka opo ye li haya ningile omadhewo nokudhanena omawudhano gawo gwomegumbo gwoliha yoRugby.

Kundna okwa li a yi moonkundathana naadhani yoRugby pethimbo ya li momadhewo gawo mboka oyendji ya holola kutya oya za moosikola mbali Erundu noMauritz Devenish dhimwe dhomoosikola monooli dhi na uuthiga woRugby.

Oya li ya holola kutya uudhano mbuka ohawu vulu okudhanwa kukehe omuntu na hangaashi sha li sha talika ko kutya aatiligane oyo owala haya vulu okudhana uudhano mbuka.

Aadhani mbaka ya za moosikola mbali oye li haya dhana mosipana yimwe ndjoka hayi ithanwa Oshakati Rugby Club ndjoka yi li hayi dhana moliha yoRugby yuumatyona.

Oya ti monooli kaye na mo aakondjithi onkene aluhe oye na okwiidhenga ondjila opo ya ye kuushimba hoka oko ashike haku tokiwa oosipana dhoRugby.

Uudhano oya ti ohaya dhana noosipana dha za moTsumeb, Otjiwarongo, Windhoek nosho wo koSwakopmund noWalvis Bay.
Iitopolwa yomonooli oyi li yimwe yomiitopolwa ya thigala po ngele otashi ya kuudhano mbuka nomOshakati uudhano mbuka owa li wa tameke tawu ende tawu shongola oshoka omwaalu gwoshipa shoka sha kala shi shiwikile uudhano mbuka osha li sha ende nokushonopala po muule womimvo dha zi ko.

LEAVE A REPLY

Please enter your comment!
Please enter your name here