Chris Morgan a pititha okavidio kedhina “Way Up”

0
19

Victoria Kaapanda

Windhoek-Omwiimbi onkulungu  a tseyika nawa mehangano lyoongalo dhoHip hop nedhina Chris Morgan okwa pititha okavidio ke okapeepeka kedhina Way up, omwedhi gwa zi ko.

Chris Morgan ngoka a tameke okuhika oongalo momvula 2014, okwa ti omvula ndjino itayi mu thigi ina pititha okavidio, hoka a hogolola moalbuma ye tayi ithanwa Convoy mokati kuungalo we wu li uheyali nangashingeyi oku li metifa okupititha oalbuma ayihe.

Okwa kala nokutseyitha okavidio hoka uule nuule komapandja gointaneta omanga inaka piti noka li ka piti pambelewa omwedhi gwa yi.
Okangalo kedhina “Way up” okwa kwathelwa kuAce oshowo Zack noka li ka shangwa ku ChrisMorgan ye mwene, omanga okavidio ka thanekwa kehangano Sfneel Media, RNM Production oshowo Mondjila Production mboka ye li dhingi mokuthaneka uuvidio.
Chris Morgan okwa li a shanga komalungula ta ti kehe gumwe na kale a tala okavidio haka opo a mone uunkulungu we, ongagumwe  gwomaahikingalo aalumentu moshilongo.

Okavidio haka okwe ka pititha ongehwahwameko lyoongalo dhe ndhoka dha tegelelwa moalubuma ye ndjoka a ipyikadhila nayo.
“Aayambidhi yandje, naaholi yoongalo dhandje, otandi mu pe oshipambu shoongalo dhandje opo mu inyanyudhe, manga oalubuma tayi piti ayihe. Chris Morgan osho a ti ngaaka.

Okavidio ngashingeyi otaka taandelelithwa komapandja ogendji gomalungula unene tuu koFacebook hoka oko ka li ka piti tango, oYouTube nosho tuu.

Ngashingeyi okavidio oka monika nokupulakenwa kaantu oyendji lela muule yiiwike mbyoka ka piti. Oyendji oya kala nokupopila okavidio haka, taya ti oka ningwa nuukeka.

LEAVE A REPLY

Please enter your comment!
Please enter your name here