Omukwiita a kandoma nohauto yiilonga e ta si

0
155

Loide Jason

Opolisi yomoshitopolwa shaMusati oyi li ya limbililwa kiiponga yomoondjila mbyoka ya indjipala moshitopolwa.
Shika omupopiliko gwopolisi okwe shi popi sho omulumentu gwomimvo omi-32 a hulitha sho oshihauto shoka a li ta hingi sha kandoma e ta hulithile poshiponga mpoka.

Oshiningwanima shika osha hokololwa sha holoka petameko lyoshiwike shika pokati kOkahao noShakati .
Inspector Lineekela Shikongo okwa ti kutya oshilyo shika shetanga lyegameno osha ndopa okukondolola ohauto yasho ya li yi li mondalaye yo oya li tayi tondoka noonkondo.

“ Oshihauto shoka osha thigi po ondjila, e tashi pitula po omulunga. Omuhingi ngoka a li omuniilongo mo-NDF okwa hulithile poshiponga, okwali mo oye awike,” osho Shikongo a ti ngaaka.

Ngoka a hulithile moshiponga shoka oku shiwike nedhina Leonard Nangolo Angula a za komukunda Onoolongo , moshikandjohogololo shaShikuku moshitopolwa omo tuu moka.

Nguka okwa li omukwaita ta longele koombonge dhetanga lyegameno koGrootfontein moshitopolwa shaOtjozondjupa, naashiwikile ye oya tseyithilwa nale.

Oshihauto shoka a kandoma nasho osha li shiilonga nosho koGrootfontein.
Moshitopolwa omo tuu moka Shikongo okwa ti okanona kosikola hoka ka li ke li mondjila okuza kuudhano wosikola oka li ka mono oshiponga sho ki iyumbu mo moshihauto moka ka li opo ka ka toole po okambale kako kokomutse.

Shikongo okwa ti kutya Tjiumbua Kavenatjivei okwa gwitha okambale ke omanga a li e li moshihauto nohauto sho ya kambadhala oku kankamekwa komuhingi, okwa nuka mo mbala omanga inayi kankamekwa nokwa li a mono oshiponga komutse.
Nguka okwa li a endelelwa po nokufalwa koshipangelo shepangelo shedhina Outapi.
Oshiponga shika osha holoka nduno mondjila onene yaRuacana naanguka okwali omunasikola posikola yedhina Putuavanga Secondary School mOpuwo.

Osha holoka woo petameko lyoshiwike shika. Nomunasikola nguka okwa hokololwa e li monkalo tayi nuwa omeya.

LEAVE A REPLY

Please enter your comment!
Please enter your name here