Ethigathano lyeyotho neteleko lyokapana monooli

0
40

Pinehas Nakaziko

WINDHOEK – Ethigathano lyeyotho neteleko lyokapana otali ka ningwa mOndangwa, moshitopolwa Oshana pehulilo lyomwedhi nguka.
Ndika olyo ethigathano ndyoka lya etwa po kehangano lyoNedbank Namibia, mboka ya tula uukuni kumwe nehangano lyoNamibia Chefs Association, Meatma, Pick n Pay  noBakpro, opo ya hogolole mo nokutotha mo omuteleki gwokapana dhingi moshitopolwa shanooli, ngoka ta ka ya kethigathano enene nolyahugunina lyokuteleka okapana moshilongo ashihe.

Ethigathano ndika monooli otali ka ningilwa komeho gositola yoPick ‘n Pay mOndangwa, muJuni 30, nesiku lyahugunina oku inyolitha kwaamboka ya hala oku ka kutha ombinga methigathano olyo tuu ndika Etitano ndika (ano nena).
Nonando oongawo, Selma Kaulinge ngoka e li omupopiliko gwoNedbank Namibia okwa ti omaishangitho oga ningi omasiku taga ende nawa, naateleki yuupana monooli oye li ya nyanyukilwa ethigathano ndika.

Kaulinge okwa ti, aanongo moku eleka mboka ye li monooli yoshilongo, otaya kunkililwa opo ya kale yi inyolitha, opo ya vule oku ulika uunongo wawo mokuteleka okapana.  

Omusindani methigathano lyokuteleka okapana mOndangwa ota ka holoka kethigathano lyahugunina, ndyoka tali ka ningilwa moshilando muAguste, pamwe niitopolwa ayihe yomoshilongo tayi ka kalelwa po kukehe ngoka ta sindana ethigathano ndika moshitopolwa shawo.
Omusindani dhingi kethigathano lyahugunina ota ka sindana sha kola lela, mwa kwatelwa ekondainela moka ta ka landithila okapana ke, niimaliwa N$15 000 koomuma. Kakele kwaashoka, omusindani ota ka mona ishewe omadheulo omawanawa gwokutota po oongeshefa onshona.
Ethigathano ndika lya etwa po koNedbank okuhinga opo aanangeshefa aashona ya vule okuhumitha oongeshefa dhawo komeho nokuyambula po eliko lyoshilongo, tashi pitile methigathano ndika konyala oshilongo ashihe.

Omaishangitho ngaka agehe ogoshali, nethigathano lyahugunina okwa tengenekwa lyi ka kale lya dhenga mbanda.

LEAVE A REPLY

Please enter your comment!
Please enter your name here