Moshitopolwa sha //Kharas otamu ka tungwa endiki loungoba

0
17

Tuulikki Abraham

KEETMANSHOOP – Endiki loungoba lokudeula ovanyasha vadule oku etapo eemhito doilonga kuvoovene, okupitula momadeulo opaungomba ola fanekwa tali ka tungwa moKeetmanshoop moshitopolwa sha//Kharas.

Edi oda tumbulwa komupeduminista mehongo lopombada, omadeulo neetepo leemhito doilonga Dr Becky Ndjoze-Ojo, mEtitano loshivike shaya moKeetmashoop pefimbo taku tenhekwa po odopi opo endiki loVocational Training Centre (VTC) li hovelwe okutungwa moKeetmanshoop.
Ndjoze-Ojo okwa tumbula kutya okupitila mendiki loungoba olo tali tungwa moKeetmashoop, otali ka yandja omhito kovanyasha vomoshitopolwa sha//Kharas nopoushiinda va deulwe nokumona omaunongo a yooloka va dule okueta po eemhito doilonga kuvo vene voo va dule yoo okuyandja oilonga kuvamwe.

Okwa tumbula kutya, ouministeli wehongo lopombada, otau lalakanene opo omandiki oungoba a kale moshitukulwa keshe moshilongo.
Oshilyo shewilikongudu loNamibia Training Authority (NTA) Eva-Liza Nailenge okwa tumbula kutya endiki loungoba olo tali tungwa mo Keetmashoop ola fanekwa tali kala li na ounene wee square meta dili omayovi 30, nonhele oya landwa kelelo laKeetmashoop kondado yeemiliona N$4,5.

Nailenge okwa tumbula kutya oshiluku shotete osha pakwilwa oshimaliwa sheemiliona N$11,8 osho kwa fanekwa tashi ka kala sha manifwa okuya pehulilo lodula yoneudo, nongeenge aishe oya ka enda nawa oshiluku oshitivali shokutunga endiki loungoba, otashi ka hovela pehovelo lodula twafinda 2019.

Okwa tumbula kutya okuniwe omafaneko ku ka tungwe omandiki oungoba koNkurenkuru koKavango uninginino, kOmuthiya mOshitkoto, koKhorixas koKunene, nomoKeetmashoop moshitopolwa sha //Kharas. Nailenge okwa udaneka kutya okumanifa omandiki opaungoba moitopolwa aishe oyo adja nokutumbula, otaa ka dula ashike okutulwa moilonga shelixwa po she likwatelela koshimaliwa osho tashi monika po.
Omunambelewa omukunhupitifi wo-NTA Jerry Beukes naye okwa li a mona omhito yokukala peteneko lodopi, okutunga endiki loungoba moKeetmashoop.

Beukes, okwa pandula, omahangano aeshee a kufa ombinga na unene tuu ouministeli wehongo lopombada, omadeulo neetepo leemhito doilonga eshi wa kufa ombinga moku uya fiyo oponghatu opo kudule okuhovelifwa ko ku dule okufikamifwa po endiki loungoba mo Keetmashoop.

LEAVE A REPLY

Please enter your comment!
Please enter your name here