Okavidio kongalo yaTop Cheri otaka piti ehuliloshiwike ndika

0
43

Pinehas Nakaziko

WINDHOEK – Monika Pinias, a tseyika nawa moongalo nedhina Top Cheri okwa tseyitha ta ka pititha noku ulika okavidio kongalo ye ompe yedhina Danisa, ehulilo shiwike ndika.  

Top Cheri okwali atseyitha kepandja lyaalanduli koFacebook oshiwike shika tati ethimbo olya thikana ngaashingeyi, lyoku ulika noku tseyitha okavidio kongalo ye ndyoka yedhina Danisa opo ka talike koshigwana ashihe. Okavidio haka okathanekelwa moshilando, petameko lyomvula ndjika.

Oshipambu shokavidio haka okwa li sha ulikwa koYou Tube, okuza esiku ka pwa okuthanekwa muMei, noka li ka hokitha aaholi yoongalo dhe, mboka ya kala nokupula kutya okavidio ka gwana po otaka ka pita uunake.
Ehwahwameko lyokavidio haka olya li lya talika kaatali ya adha 1000.

Onkundana ombwaanawa okwa li ya holoka oshiwike shika sho Top Cheri a li a shanga kepandja lye lyoFacebook nokwa ti kutya osha kolekwa kutya okavidio kongalo otaka piti ehuliloshiwike ndika, neyalulo lyesiku taka ka pita olya tameka nale.Haka otaka ka kala okavidio okatiyali okuza kuTop Cheri, pamwe nehangano lye lyaayimbi ya yoolokathana lyo-BLVC BOXX Entertainment, konima sho a li ishewe a pititha ongalo ye yotango Victoria. Top Cheri okwi imbi uungalo we utano, mwa kwatelwa Victoria, Hanga Over naGood Man.
Top Cheri enzuna ndyoka hali imbi oongalo tadhi inyenge nawa, nokwa li a tameke oku imba okuza mo 2014. Okwa hokithwa oku imba ku The Dogg manga a li omushona.

Top Cheri okwa tseyika koyendji sho a pititha okangalo ke kotango kedhina Victoria pamwe nokavidio kako, hoka taka popi kombinga yokambo ke hoka a li a nyola omvula ya za ko kedhina ‘Love, Sex and Flight Tickets’.

Top Cheri ngashingeyi oku li ta longo nuudhiginini opo a kale a pititha oalbuma ye yotango kuyele nuumvo.
Okwa kala nokunyanyudha piituthi ya yoolokathana konyala oshilongo ashihe, moka a kala nokumwenyeka noongalo dhe ndhoka oombwaanawa.

LEAVE A REPLY

Please enter your comment!
Please enter your name here