Omapekapeko naaningwe omanga eetaxi ina di wedelwa

0
22

Omananafano, neenghundafana ta di twikilwe kombinga yondado yotaxi oyo ova shingi veetaxi vahala i wedelwe oya pumbwa okuningilwa omapekaapeko. No nande otu shi shi kutya ewedelo londado yeetaxi oha yi pitile kehangano leetaxi moNamibia, Nabta, osha pumbiwa okutala kutya ovo hava londo eetaxi navo kavelimo tuu nawa meendjato.

Omido da dja ko eedado doutaxi eshi da kala hadi wedelwa okwa kala ashike haku li kundwa kovene veetaxi koshi yehangano loNabta, askihe ovakwashiwana iha va pewa yoo omhito va popye sha kombinga osho, omanga, epangelo ina li pitikifa ewedo olo. Haluhapu nande ha ku talwa komawi nomaluudo oshiwana osho hashi etelwa ashike oidjemo yeengundafana odo da ningilwa.
Eedula mbali daya moshilongo omu omwali wa holoka Ehangano lOvalandi Ovakwashiwana moNamibia (Consumer Service Association of Namibia), olo la li la totwa po opo ku fiwe oshosho kutya eecastoma hano ovalandi novalongifi vomayakulo kakeshe tuu shimwe moshilongo otava pewa omayakulo opandondo nove a hafela.

Ehangano olo ola li la etwa po eshi kwa monika omwaka nokwa monika kuniwe omhumbwe yoku kalela po ovalandi ovo luhapu hava pewa ashike eendado nomayakulo onhumba no ihava pewa omhito yoku yandja omawedelo po avo, nande ova kale ve wete kutya omayakulo oo ina e lixwa poi le ina ve a pumbwa.

Mefimbo eli ovashingi veetaxi ta va xwaxwameke oovene veetaxi valombwele Nabta atwale kepangelo ewedeko lipe keendado deetaxi, ehangano eli lovalandi moNamibia ola pumbwa oku ningwa oshitukulwa sheenghundafana, opo li yandje nalo omawedele po elo ponhele yovakwashiwana ovo veli ovalongifi veetaxi.

Imwe yomoinima oyo ina okutalika oyo yo kutya oolye hava longifa eetaxi, na vahapu vomwaavo hava longifa eetaxi ove va oiyemo ifike peni, vali eliko loshilongo ili li pondodo ili pi po, neendjabi pamumbwalangadjo oda wedelwa neepelesenda ngapi oule weedula nhee dapita. Shikwao vali, oku na oku talika kutya omahooli okwa wedelwa lungapi no noimaliwa ingapi, nongeenge okwa shunifwa pedu, okwa shinifwa pedu neepelesenda ngapi.

LEAVE A REPLY

Please enter your comment!
Please enter your name here