Bank Windhoek a patulula oshitayi mOkahao

0
39

Victoria Kaapanda

OKAHAO – Bank Windhoek okwa patulula oshitayimbaanga mondoolopa yaKahao shoka shi li kumwe noshitayimbaanga shaShakati mEtitatu omasiku sho ga li 20 gaJuli moshitopolwa shaMusati.

Oshitayimbaanga shaKahao osha li sha andjaganekele aakalimo yomondoolopa oshowo mboka ye li popepi nondoolopa yaKahao oku ya kwathela noku ya pa omawuyelele kombinga yombaanga yoBank Windhoek.
Ombaanga yaBank Windhoek ndjoka ompe, otayi adhika mepandaanda enene lyondjila yaKahao momatungilo gaChicco Building.

Miitayi ayihe 55 moshilongo ashihe, oshitayi shino shaKahao oshitimulongo miitayi yomonooli .
“Ombaanga yetu ya ikalekelwa pamukalo omwaanawa, otwe shi dhimbulula kutya Okahao oshitopolwa shimwe shili mompumbwe yomapungulilo goshimaliwa. Ombaanga yetu ndjika ompe otayi kala yi na ashihe aakwashigwana taya pumbwa”. Omukuluntu gwoombaanga adhihe miiikando ayihe yomonooli Aloysius Garoeb osho a ti ngaaka.
Garoeb ta ti neyambidhidho lyaakwashigwana yomoshikando moka, otaya eta ongushu yontseyo yombaanga nuuwanawa ye wu nuninwa kombaanga yaBank Windhoek.

“Epatululo lyoshitayi shino mOkahao olya li lya koleke eyitaalo oku eta omawunawa ngaka unene kombinga ndjoka yokuushayi”. Garoeb ta ti.
“Omidhi dhetu odha dhama mwaashoka tu na ontseyo musho, oshilongo shetu naantu yasho.
Eyitaalo lyetu okutunga uukumwe pokati koondolopa moka tatu longole oongeshefa dhetu otaku kala oko oshipatululo mehangano lyetu. Notatu tala komeho okukala yamwe mondolopa yaKahao”. Garoeb osho a yelitha.

LEAVE A REPLY

Please enter your comment!
Please enter your name here