ELCIN onkene ta tsikile oku yapula aasita

0
207

Maria Namupala

ENDOLA – Ongerki onkwaevangeli paLuther (ELCIN) osoondaha ya ziko oya yapulile aasita 18 nayahetatu (18) moshilonga sha ningilwa megongalo lyaNdola moshitopolwa shaHangwena, mboka ya kala taya nongekwa nokundungikwa koshiputudhilo shaasita sha Paulinum uule woomvula ne (4).

Eyapulo nelangeko ndika olya ningwa komuwilikimbisofi omundohotolo Shekutamba V.V Nambala, moka a yelitha kutya oshituthi yapulo shoka oshiti-58 mongeleki ya ELCIN, opwali pwa kalwa kaambosofi yeli moshipundi shevululuko, oshowo omumbisofi gwoshikandjo shuuninginino omundohotola Veiko Munyika, aasita yaza komagongalo ga yooloka oshowo aakwanegongalo oyali ya gongala yo ya tyapule eyapulo ndika.

Omundohotola Nambala pethimbo ta yapula aasita mbaka aape okwali eya indile opo ya ka longe oshilonga shoka noonkondo, yo ya kwathe mokugalula oonzi ndhoka dha kana, tati epya lyOmuwa olya tiligana ihe aalongi kayepo.

“Otandi mu indile montaneho yaakwanegongalo naayehe ya gongala nena mpaka opo mu longe nuudhiginini oshilonga shika shuusita , kaleni aluhe mwa kola meitaalo, one omwa longo nuudhiginini sigo mwa mana omanongelo geni nongaashingeyi otamu ganithilwa miilonga, indeni ano mu ka uvithe nokutaandelitha evaangeli, ne tamu kala aapiya yOmuwa ne mu longe shoka shuuka noshili mondjila,” Omundohotola tati ngaaka.

Omumbiisofi okwati kutya mboka haya taambwa koshiputudhilo shuusita ohaya ende oondondo dha yooloka, nohaya taamba unene mboka ya kale yuuviteko eithano lyuusita, okuya kosikola ya ka longwe uuteolohi etaya piti, noyena woo okukala ya gwanitha oomvula 24 opo ya yapulilwe oshilonga shoka uuna ya mana omailongo gawo.

“Molwaashoka moshigwana shetu omuna omapopyo ogendji gelimo tagiinyengemo, ngaashi anuwa opo wu kale omusita kala wuna omeho, ashike ndhika kadhina uushili nondahala agehe ngoka ga kale geekelwahi, molwaashoka tse ohatu longo megameno nomewiliko lyaKalunga,” ta gwedhapo ngaaka.

Okwa tothamo kutya nonande tapu yapulilwa aasita onkene yeli monkwatayi omolwa ompumbwe yaasita momagongalo, kakele okweeta puuyelele kutya natango omumvo taguya opuna aasita yeli 20 ya tegelelwa ya ka yapulilwe oshilonga shoka, okwati aasita mboka ya yapulwa oyali yena okukala 20 kakele yaali yomuyo inaya yapulwa oshoka inaya adha oomvula 24, nonande ya langekwa nale komagongalo hoka taya ka yakula.

Aasita mboka opo yazo moshipakete oya tegelelwa ya ka tameke iilonga komagongalo hoka yuuthilwa mesiku lyotango Juli nuumvo, oshikandjongerki shuuzilo osha pewa aasita 9, omanga oshikandjo shuuninginino sha pewa aasita 11.
Elongelokalunga osoondaha ndjoka olyali lya ningwa kaasita aape Martha Nekwaya na Frieda Nakapipi, omanga euvitho lya ningwa komusita Kristof Mbongo. Amushangangerki Alpo Enkono okwali a tseyitha mokati kaasita omuna yaali gumwe taka longela kuuministeli wetanga lyegameno omanga gumwe taka longela muuministeli wegameno.

Aasita mboka ya yapulwa noku langekwa oyo Frieda Nghihepa, Ottilie Shuuya, Hileni Nelenge, Hilya Shikongo, Hilma Temba, Justina Samuel,Frieda Nakapipi,Martha Nekwaya,Hafeni Mwaningange,David Shipopyeni,Onesmus Angula,Tobias Uugwanga,Kristof Mbongo,Tomas Ilungu,Wilhelm Nghilalulwa, Martin Kashaakumwa, Titus Aukongo na Eliaser Hauwanga.
Ngoka a popi peha lyaasita ya yapulwa Titus Aukongo okwati oya taambako oshilonga shawo ngaashi yali yiithwana noyiilongekidha okuyakula aakwanegongalo naamboka ya pumbwa ekwatho lyawo. Tati otaya ya kayakula aantu ya Kalunga shi thike pamwe noya pumbwa eyambidhidho lyaakwanegongalo yawo.

Oyali ya zalekwa uukunde noya pewa omagano ogendji kaasamalia aanamutimahenda. Oshituthi oshali sha mwenyekwa koongundu dhomalwiimbo ngaashi Eta lomaadi Eenyiki, Tolite Hostias oshowo Tuudila.

LEAVE A REPLY

Please enter your comment!
Please enter your name here