Maestro ta pititha okangalo pehulilo lyomwedhi nguka

0
36

Shipi Elago

ONGWEDIVA – Willem Iiyambo ngoka atseyika nawa nedhina lyoongalo Maestro oku li ta ka pititha ko okangalo ke kamwe komiihikomwa ye mbyoka ta ka pititha pehulilo lyomumvo nguka.

“Okangalo oka pwa nale na ota k aka ya momapandaanda pehulilo lyomweedhi nguka hoka ta ka ithanwa Oshayela moka ta mu holoka omawi gaahikingalo ngaashi Sunny Boy, Exit, M-Jay na Young-T, naashika ota shi kulombwele kutya okangalo haka ka keshi oku pitilila po omuntu oshoka oke li ka hangenwa komapenda mokwiimba,”Maestro tati.
Okwa ti okangalo haka okoludhi lwoongalo dhoDancehall oludhi lwoongalo ndoka ha lu vulu oku mwenyeka omatyapulo gwoludhi kehe.

“Ondahala oku pa aantu sha sho kwiinyanyudha omanga oAlbum yandje ompe ta yi zi miipakete pehulilo lyomumvo nguka oshoka ina ndi hala aalanduli yoongalo dhandje ya kale yena ezaza,”Maestro tathi.
Okwati oku li a kwata ethimbo elele kashona oku pititha moo Album ye ontitatu oshoka oku li ha topola ethimbo lye lwaali oshoka oku li wo ena iilonga ye oshoka ina tala owala moongalo naashika oha shi mu kateke opo oongalo dhe dhi pite pethimbo ngaashi sha tegelelwa kaalanduli ye.

“Ota ndi yakeleko ashike aalanduli yoongalo dhandje osho wo aaholi yoongalo kutya oAlbum yandje ota yi ka kakala yina uungalo wu li15, moka ndi li nale nda manitha uungalo wu li uheyali na ondi li ta ndi longo naahambudhi yiihikomwa yatseyika nawa moshilongo ngaashi M-Jay, Glo, na Baxxa Carter, oAlbum ndjika ota yi kala yina omatha na ita yi ka thiga omuntu ita inyengitha oongolo uuna ya ta meke oku kwelengendja,”Maestro tati.

Okwa ti moAlbum ompe omuna uungalo owundji ta wu pe aantu omukumo gwo ku longa sha monkalamwenyo, na owuna omatumwalaka ta ga tungu.
“Aaholi yomawudhano onde ya pa ehogololo ewaanawa moAlbum ndjika oshoka omuna oshipilili shoongalo okuza ko Kwasa Kizzomba, Afro Pop, Soukus, na iihikomwa mbika oyi li ta yi hambudhwa ku M-Jay moDrumkick Studio,” Maestro tati.

Maestro ota gandja wo etumwalaka kaanyasha unene tu mboka ye li natango moosikola opo ya longe nuudhiginini oshoka nando oyahala oku ninga aahiki ngalo oyena oku kala yena eyithano lyimwe lya gwedhwa po , tati oongalo ita dhi vulu oku kutha ko omuntu moNamibia pethimbo ndika oshoka omaalaka gwoongalo oge li omashona na iiyemo ita yi vulu okwiinekelwa.

Tati nay a ye koosikola opo ya ka le yena onkalamwenyo ombwaanawa na oongalo nadhika le oontiyali keyilongo naamboka ha ya yi kiilonga okwe ya kunkilile opo ya dhiginine etemo oshoka opo ashike ta ya vulu oku tula omboloto poshitaafula lyo eliko lyoshilongo li yambuke po.
Maestro oku li a li gumwe gwoomaahiki ngalo ya li ya hogololwa mokategory koongalo dho Soukus/Kwasa methigathano lyoNamas lyonuumvo.

LEAVE A REPLY

Please enter your comment!
Please enter your name here