Ndhoka dha teya uumbi otadhi ka ludhikwa mOshakati

0
441
Aalumentu mOshakati shaNangombe oyi ikwata omaako kumwe okudhimbulukwa omuthigululwakalo goombezi ndhoka dha li dha simanekwa kootate yonale. Efano oku ulikitha ashike. (Efano: Menhairdo)

Komutoolinkundana

ONGWEDIVA – Omakanda mOshakati shaNangombe ogi ikwata omaako kumwe okudhimbulukwa omuthigululwakalo gwoombezi ndhoka dha li dha simanekwa kootate yonale, ethigathano ndika lyoombezi ndyoka otali ka kala ko momasiku omafupi tage ya.
Omasiku hamale komeho sho aamati yaagundjuka taya ka ninga ethigathano lyoombezi ndyoka tali ka ningilwa mOshakati pehala lya tseyika nawa lyokulya nomanwino LG Restaurant.

Moonkundathana naKundana, omukwateli komeho gwethigathano ndika lyoombezi Herman Iipumbu okwa ti ethigathano ndika olya li lya pitithwa tango komalungula oomwedhi mbali dha ka pita.

Ashike okwa mono kutya osha li sha nyanyudha aalumentu oyendji mboka taya ulike ye na ehalo lela okukutha ombinga.
Herman ta ti elalakano okuya po nethigathano ndika okuulika esimano lyoombezi komulumentu, omuthigululwakalo ogu li tagu dhimbiwa moshilongo nedhiladhilo ndika otali galula esimano nomuthigululwakalo gwoombezi ndhoka dha kala dha simanekwa kaasamane yonale..

“Onda ninga omapekapeko ihe aalumentu yaanyasha oya tameka nale okukokeka oombezi dhawo ya tegelela esiku enene ndyoka tali ka totha mo omulumentu gwoombezi dha yela nodha silwa oshimpwiyu”. Herman ta ti.
Oombezi otadhi kala muungundu wa topolwa patatu, wo owo ne; oombezi ondeendeka, oombezi dha thita nawa oshowo ombezi dha kululwa nawa.

Kehe okangundu otamu ka za omulumentu gwoombezi dhingi ngoka ta ka zimbuka nooN$ 5000,00 naangoka gwoombezi dhi vule adhihe mokusilwa oshimpwiyu notadhi ka hila kehe gumwe ota ka zimbuka nooN$ 10 000,00.
Oku ishangitha opo wu ye methigathano ndika ooN$ 500 ashike.

LEAVE A REPLY

Please enter your comment!
Please enter your name here