Ovanangeshefa mOranjemund va nhukila pomutenya kondado yomaumbo

0
57

Tuulikki Abraham

ORANJEMUND – Omunashipundi wehangano lovanangeshefa loNamibia Chamber of Commerce and Industry (NCCI) moshitai shaOranjemund Israel Kalenga, okwa tumbula kutya ovanageshefa mOranjemund itava tu kumwe nondado yokulanda po omaumbo nomatungo oyo ya tulwa po kewiliko laNamdeb.

Meenghundafana odo a ninga naKundana oshivike sha ya, Kalenga okwa tumbula kutya, ehangano lovanageshefa itali tu kumwe nondado oyo ya ufwa kehangano mhina laNamdeb, novanageshefa ove wete kutya ondando oyo tai pulwa oi li unene pombada, molwaashi omaumbo amwe nomatungo mahapu okwa tungwa unene nale, osho tashi ulike kutya omatungo okwa kulupa. Ta ti omatungo amwe otaku hololwa nokuli a tungwa modula 1956, na itaa dulu okuya mondado oyo ya ufwa oku a landifa po.

“Ondi wete kutya elelo laNamdeb nalo ole shi mona mo ngoo kutya, oinima imwepo oya kulupa, ngaashi omashina ekunguluko lomeva onyata,nao okwa kulupa neenghono onghee itaa dulu okukala komapepe elelo lodoolopa yaOranjemund, iinima imwe oyo oya longwa nale meedula okuhovela 1936, tashi ti oinima oya kulupa, oya lika mo nale medu.

Onga tuli ovanageshefa modoolopa, otwa pumbwa ngaa okukala tu na oinima ya kola, onghene otwa pumbwa okuuya pamwe nelelo laNamdeb oshoyo ehangano olo li lile po ovanailonga vomeemhina MUN, tu tale kutya odoolopa ohatu i humifa ngahelipi komesho. Otwa pumbwa okuya mefuta tu na ombautu yakola tai tondoka nawa. Otwa pumbwa ngaa tu kendabaleni tu taleni ngee pamwe Namdeb ondado otei kulula.” Kalenga osho a tumbula.

Kalenga okwa indila yoo Kansela woshikandjohoololwa shaOranjemund naRosh Pinah a kale a tota po okakomitiye oko taka ka kala nokukonaakona oinima aishe oyo tai linyenge modoolopa yaOranjemund. “

Otwa taaleleni yo odoolopa yaRosh Pinah oyo i li nayo odoolopa yomhina nokwa fanekwa nayo tai ka lukwa ikakale oSettlement. Onghene otwa pumbwa tu longeleni kumwe, shaashi elelo lodoolopa olo ashike tali dulu oku eta po onakwiiwa i li nawa.” Kalenga ta yelifa.
Kalenga okwa pandula elelo lodoolopa yaOranjemund kutya omukalo wokulandifa edu, ove u tula pondado i li nawa, ashike oupyakadi ou li ashike opo kutya elelo laNamdeb ondado yomaumbo, oya londa unene, i dule ongushu yomaumbo.

Elelo lodoolopa yaOranjemund nelelo lomhina yaNamdeb ova shaina etwokumweudafano kuyele omwedi ou, la nghene ve na okutula odoolopa yaOranjemund momukangha u li nawa, nokutala kutya odoolopa otai humifwa ngahelipi komesho.

Metwokumweudafano olo la shainwa, omo Namdeb a yandja omayakulo aeshe e na sha nelelo lodoolopa, omatungo nedu, oyo aishe ya kala eliko lomhina yaNamdeb nopaife oya yandjwa momake elelo lodoolopa yaOranjemund.

Meshainotwokumweudafano eli lopandjokonona, omwa li mwa kalwa ku Kansela woshikandjohoololwa shaOranjemund naRosh Pinah, Lasarus Nangolo, elelo lodoolopa ya Oranjemund, nelelo lomhina ya Namdeb, ovakwashiwana, ovanageshefa modoolpa, noikondo ya yooloka modoolopa oya li ya kalelwa po.

LEAVE A REPLY

Please enter your comment!
Please enter your name here