Uudhano wOkapuka wa enda nawa

0
23

Shipi Elago

OHANGWENA – Engungo lyaantu ya za kiitopolwa ya yooloka moshilongo olya li lya mbombolokele kOhangwena ehuliloshiwike lya za ko okuninga ooyihontali muudhano wokomumvo wOkapuka mboka wa li we ya pehulilo komatango gOsoondaha ya za ko pokapale kOsekundosikola yaPonhofi.

Ngaashi shito uudhano mbuka owa li wa topolwa miitopolwa iyali moka mu na ongundu yoosikola ndjoka ya li tayi kondjithathana, nongundu ontiyali yaakokele mboka wo ya li taya kutha oonkali pelugo opo ya ninge shanamutango kesindano.
Mweshipandeka High School okwa li a pondola okudhenga mo Ongha Secondary School muudhano woosikola wokatanga kokoompadhi, nokuyakula po ekopi noomendalia dhoshingoli ndhoka dha li dha tentekwa kokapandi kooN$ 3500, omanga Ongha Secondary School ya li ya thete po eyeme lyokudhengwa muudhano wahugunina nokapandi kooN$2500, noombandi dhoshisiliveli.

Ponhofi ngoka oye e li kalolo mwene gwetsali okwa li naye a holola kutya naye ita zi muudhano mbuka omakaha gowala onkene okwa li a toola po ehala etitatu nolyahugunina konima sho a li a sindi Gabriel Taapopi mokukondjela ehala etitatu nokwa li a kutha po okapandi koodola dha Namibia 1500 hoka ka li ka mangelwa koombadi dhoshikushu.

Muudhano wokatanga komokambamba koosikola, oOekundosikola yaAshipala oya li ye shi pondola okudhenga ondjamba nekuma konima sho ya li ya dhenge mo Osekundosikola yaHaundano ndjoka ya kala tayi pangele okatanga komokambamba ethimbo nuule medhingoloko lyahugunina moka Shipanga a li ta nyenge Nangolo ashike Ashipala okwa li u ulike kutya kapu na gwiimine ihagu kuka nokwa li a sindana po ekopi lyokatanga komokambamba ndyoka lya li lya tsilikwa kokapandi koodola 3000, noombandi dhoshingoli.

Haundano Secondary School okwa li e ya pehala etiyali ehala ndyoka ina igilila nokwa li i itheta omahodhi nokapandi koodola 2000, ndhoka dha lli dha endele pamwe noombandi dhoshisiliveli,Dr Abraham Iiyambo okwa li a toola po ehala etitatu moka a li ahekelekwa nokashona koodala 1000 nosho wo eembandi dho shi kushu.

Oshikango Border Post oye enyakwa muudhano wookalaba moka ya ya dhenge mo Eenhana Legends nokuyakula po ekopi lyokatanga kokoompadhi.

Oshikango Boarder Post osha li sha toola po okapandi koodola 4000, nekopi noombandi dhoshingoli, omanga Eenhana Legends dha li dha toola po ehala etiyali muudhano mbuka mokaya li ya thikile kokapandi koodola 3000,omanga ehala etitatu lya li lya topolwa po koNampower naAmateachers mboka ya li inaya vula okudhana uudhano mboka wa li tawu utha ngoka ta ka toola po ehala etitatu molwethimbo ndyoka lya li lya lemba nondjendi onkene oya li ashike ya topola pokati okapandi koodola 2000.

Composite Depot A oyo enyakwa epe lyuudhano woNetball yooKalaba moka ya li ya dhenge mo Composite Depot B nokutoola po oshishani shoNetball shoka sha li sha thindikilwa nomwaalu ta goN$3500, noombandi dhoshingoli tadhi adhima, osipana ya Composite B oya li oya li ya yakula po ehala etiyali moka oombandi dhoshisiliveli dha li dha thindikile okapandi koodola 2500, Eagle Eye okwa li e ya pehala etitatu moka a li a mbendekwa oombandi dhoshikushu nosho wo okapandi ko ku itheta omahodhi ko 1500.
Uudhano wOkapuka owa li we ya pehuulilo komatango gOsoondaha ya za ko pokapale kaPonhofi Secondary School.

LEAVE A REPLY

Please enter your comment!
Please enter your name here