Ya dhana esiku lyoongalo muuyuni

0
6
Jackson Wahengo pethimbo a li ta imbi ongalo ye Kanailonga, pesiku lyokudhana oongalo muuyuni.

Pinehas Nakaziko

WINDHOEK – Ngaashi naana sha kala omukalondjiigilile, esiku lyoongalo muuyuni natango osho kwa li lya dhanwa kaahikingalo yomoshilongo ehuliloshiwike lya zi ko.

Oshituthi shika ohashi dhanwa konyala kehe omvula, nonuumvo okwa li sha dhanwa olweetho 23.
MoNamibia osha li sha dhanenwa miitopolwa itatu ngaashi Windhoek, Rundu nomoKatima Mulilo,  moka aaNamibia taya tsikile nomuthigululwakalo gwokudhana oshiindingili shika nenyanyu.

Esiku lyoongalo muuyuni olya etwa po kehangano lyoBank Windhoek, pamwe noFranco-Namibian Cultural Centre (FNCC), nonkene tali tsikile okunana engathithi lyaatali mboka haye li dhana nenyanyu.

Moshilando, esiku olya li lya ende nawa noonkondo, moka mwa li mu na enyanyu lya etelela oondigolo odhindji, nokwa li tadhi uvikila mpaka naampeyaka. Aahikingalo mboka ya li ya nyanyudha pethimbo lyomutenya ongaashi Broken Metronomes, Savannah Collins naEmily Dangwa, ya li yu ulike uunongo wawo nokunyanyudha noonkondo, oshoka yamwe oya li taya imbi oongalo ndhoka dha hikwa kaahikingalo mboka ye tu thiga po.

Mboka ya li ya imbi oondjimbo dhawo pamwe nomikwelengendjo natango pethimbo lyomutenya ongaashi Erna Chimu, Ngatu nongundu yoFormula Band.

Ongulohi natango okwa li ya ende nawa oshoka opo pwa li tapu ti pwaka, mpoka aahikingalo aanene mehangano lyoongalo ngaashi Raslando, Miss H, Lize Ehlers naNgatu ya li ye shi enditha nawa, omanga Jackson Wahengo a patitha uusiku mbuka wenyanyu noongalo dhe oombwaanawa.

Shika oshituhti sha tamekela moFrance, nosha li sha taandelelithwa muuyuni awuhe nelalakano oku eta aahikingalo pamwe, yo ya nyanyukwe pamwe, nokudhana esiku ndika nenyanyu.
Moshilongo konyala aahikingalo ye vule po50 ohaya holoka pesiku ndika noku imba pamwe.

LEAVE A REPLY

Please enter your comment!
Please enter your name here