Ethigathano lyaOld Mutual Far North Championship lyo2018 lya tseyithwa

0
28
Pethimbo ekopi lya Old Mutual 2018 lya li lya tseyithwa monooli Etine lya za ko, methano otamu monika aanambelewa yaOld Mutual ya thanekwa pamwe naakuluntu yoosikola osho wo aawiliki yomawudhano naanambelewa yomawudhano monooli.

Shipi Elago

ONGWEDIVA – Oosikola dhomiitopolwa yokonooli yi li ine oombwa dha kwata odhawo sho Old Mutual natango te ke yi etela ethigathano lyokatanga kokoompadhi nokomokambamba ngaashi shi li omukalo ndjigilile muule womimvo 14 dha piti moka Old Mutual a kala nokukwashilipaleka omawudhano ngaka.

Pethimbo a li ta tseyithile iikundaneki mOngwediva Etine lya za ko omukuluntu gwoshikandjo shegandjomulombo nomakwatathano mehangano lyaOld Mutual, Mauriza Fredericks okwa li a gandja etimuwambwile komidhingoloko noosikola ndhoka dhi li monooli yoshilongo kutya Old Mutual ota ka tsikila no ku kwashilipaleka uudhano mbuka woosikola kapuna omalimbililo ngaashi naana shakala monakuziwa.

“Old Mutual oku li a tala omawudhano neho lyolukeno unonene tu pethimbo ndika sho twa hala oku tsakaneka epangelo lyoshilongo shetu ondjila kati mekondjitho lyokwaahena iilonga noku tidha po uuthigona nonkayi mokati koshigwana shetu , ondi uvite kutya omawudhano oge li osheenditho oshinene sho ka ta shi vulu oku kandula po omukundu gwoku a hena iilonga mokati koshigwana,”Mauiza tati.
Okwa ti oosikola odho dhi li thimba yina ongodhi ngele ota shiya po ku hambudha oonzo dhopantu oshoka kehe omuntu ena oshinakugwanithwa moshigwana nena oku lu a za mosikola ndjoka oyo yi li oshipatululo sho nakuyiwa yomuntu kehe onkene oshi li sha simana opo dhi nkondopalekwe, onkene Old Mutual omvula ndjika ota ka pa aakuluntusikola yoosiokola dhomonooli omadhewo gwowina gena sha nuuleli bgoka ta g aka gandjwa koshiputudhilo sho African Leadership Institute shoka shi li mOkahandja.

“Otwa hala aakuluntusikola opo ya pewe uunongo wagwedhwa po opo ya kale ta ya lele oosipkola dhawo pamukalo ngoka ta gu endele pamwe nonkalo yoongesefa muuyuni opo ashike aanasikola ta ya tsikwa ombepo yo ku dhimbulula nkene iiputudhilo yomangesefelo ta yi ende naasho ta ya ka wayimina iiputudhilo yayooloka ita ya ka kala we yena uupyakadhi okuuvako nkene iinima ta yi ende,” Mauriza tati.
Ethigathano lya Old Mutual oli li nale lya tameka miitopolwa ayihe ine yo konooli Omusati,Oshana Oshikoto nosho wo Ohangwena moka oosiokola dhi li ta dhi kondjithathana oku tala kutya olye ta ka sindana po omawudhano giitopolwa yawo, opo dhi mone ompito dhi ka kalele po iitopolwa yawo kethigathano enene ndyoka lya tengenekwa ta li ka kala ko muSeptemba nuumvo.

Osikola kehe ta yi ka sindana po uudhano woshitopolwa shawo ota yi ka pewa olupandu lwokapandi koondola 3000, omanga osikola ontiyali ta yi kapewa 2000, nontitatu ota yi ka pewa okapandi ko 1000 mokatanga kokoompadhi noNetball.
Osikola ndjoka ta yi ka sindana po uudhano wahugunina ano ndjoka ta yi ka dhenga mo iitopolwa ayihe ine yokonooli ota yi ka mbendekwa okapandi kondola 5000, ekopi,eembandi dhoishingoli, izalomwa yetanga, omatanga, iilongitho yomawudhano,eshina lyo ku indjipaleka oombapila niilongitho yilwe yomawudhano.

Osikola ontiyali ota yi ka za ko wo ya humbatithwa oshoka ota yi ka pewa 3000, okompiuta, oombandi dhoshisiliveli, iilongitho yomawudhano, iizalomwa yomawudhano, no sho wo iilongitho niikwathithi longo.
Osikola ontiyali ota yi ka pewa okapandi koondoola 2000, oombandi dhoshikushu, eshina lyofakisa, osho wo omatanga niikwthithi yelongo.

Aahiki hiya ayehe mboka ha ya wilike uudhano mbuka oha ya pewa omadhewo ngoka ha ga kwata uule womimvo mbali onkene nuumvo ita ya mono omadhewo oshoka opo ya li ya mono omadhewo omvula ya zako.

Oshikoto osho shi li enyakwa lyokatanga kokoompadhi konima sho osekundosikola yEkulo ya li ya yakula po ekopi ndika konima sho ya li ya dhenge mo Dr Abrahama Iiyambo 2-1 omvula yazako omanga Oshana osho shina ekopi lyokatanga ko mokambamba konima sho GT a li a dhenge mo Uukule 35-11.

LEAVE A REPLY

Please enter your comment!
Please enter your name here