Fishman ota pititha okangalo ehuliloshiwike ndika

0
42
Salomon Uulenga ngoka a tseyika nawa Fishman ngoka te ke mu tulila ko koombiga dheni ehuliloshiwike ndika nokangalo ke okape opo ka zi miipakete.

Shipi Elago

Ongwediva
Aaholi yoongalo moNamibia oombwa dha kwata odheni oshoka Fishman ote ke mu tulila ko uukaya koombiga dheni nokangalo ke okape hoka ta pititha ehuliloshiwike ndika kedhina Discipline.

Kwa kalelwa ku na sha ko kwa ziwa ku na omulombo, Salomon Uulenga ngoka a tseyika nawa Fishman okwa ningi esiku i ipyakidhila momina ye yoongalo moka e li i ipyakidhila noAlbuma ye ndjoka yi li pokupita konima sho a li a ningi ethimbo ina pititha oAlbuma nehuliloshiwike ndika ota ka piitha ko kamwe komuungalo woAlbuma ye ompe opo a pe aaholi naalanduli yoongalo dhe sha shokwiinyangusha manga ya kwatele miimbamba omanga oontungwa tadhi tungwa.

“Okangalo hoka a ndi ka piitha ko ehuliloshiwike ndika onde ka nunina aantu ayehe noke na iitya netumwalaka lyambwalangandja nota li tsu omukumo kutya kapu na shidhigu ha nyenge mwene, okangalo haka okoludhi lwoAfro Pop noke na omukwelengendjo gwa memememe,”Fishman ta ti.

Okwa ti okangalo oke li taka tsu omukumo aantu koombinga ne dhoshitunda Namibia opo ya longe nuudhiginini unene tuu pethimbo ndika sho onkalo yeliko tayi ende tayi shongola nota ti ngoka wu na okashona ka kwata nawa opo ke ku thikithe koshikogo.
Fishman okwa ti ka li a vula okukutha ombinga momathigathano gwoNamas oshoka ka li e na iihikomwa iipe mbyoka tayi utha opo a kuthe ombinga moNamas ashike oku uvanekele aaholi yoongalo dhe kutya naya tule onguti puuya oshoka omvula tayi ya oku na okukutha ombinga moNamas.

Fishman oongalo okwa li e dhi wayimine mo 2008 nokwa li a pititha okangalo ke kotango mo 2010, kedhina Let`s Hook up hoka ka li ka hogololwa methigathano lyoChannel O, hoka a li a hiki nomathamba gwongundu yoongalo ndjoka ya teka po ngashiingeyi yoGal Level, momvula tuu ndjoka a li a pititha oAlbuma ye yotango yedhina 24 Carat.
Kakele koongalo Fishman oku li ha landitha iizalomwa yoongalo dhe, ye oku na wo onzapo moshilongwa shuunangesefa nomawuyelele.

LEAVE A REPLY

Please enter your comment!
Please enter your name here