Okapale komEenhana kanyengana … Aamati yaOhangwena siku limwe onaa ka dhanena omawudhano gawo kOshakati

0
179
Nkene okapale komEenhana taka monika konima sho ka li ka thigwa ondjilakati.

Shipi Elago

EENHANA – Embwinda lyuupale womawudhano ndyoka lya li lya dhikwa moshitopolwa shaHangwena mondolopa yEenhana olyi li lya nyengana okumanithwa, sho iilonga yetungo mbyoka ya li ya tamekwa mo 2008 natango yi li metata n aka puna omayinyengo ta ga ulike kutya iilonga ota yi tsikile tuu nenge aawe.

Onakuyiwa yokaple haka oyi li ya tula oyendji unene tu aholi yomawudhano moshipilili na oyena omapulo gaana omayamukulo oshoka oyendji oya li ye na etegameno opo okapale haka ka kale ngashiingeyi miilonga no ku kutha oshitopolwa shaHangwena koshiyalo ashike hoka ya fala omweya ha ko ta ku hangwa.

Kundana okwa li a yi moonkundathana nomukwatakanithi gwomawudhano moshitopolwa sha Hangwena Oom Kamati ngoka a li etu yakeleko konkalo nonakuziwa yokapale haka.

Oom oku li gwumwe gwaamboka ya li mokangundumutima hoka ka li ka eta po enene dhilaadhilo lyetungo lyokapale haka, na oku li gwumwe gwaamboka na okwa li etu kuthileko ombashu nokawawa nkene iilonga mbika ya li ya tamekel.

“Onda li gwumwe gwomwaamboka ya li ya ka konkola poonto dhuuMinisteli womawudhano mo 2007 moka twa li twa pe Uuministeli mbuka enene dhilaadhilo lyetu opo andola uuministeli w utu tungile okapale moshitopolwa shetu, na enene dhilaadhilo ndyoka olya li lya taambulwa ko nekomono lyokomutse kuuministeli osho wo kepangelo,”Oom tati.

Okwa ti elelo lyondoolop[a yaEenhana ka lya li lya kwataakwata oshoka olya li lya gandja evi mpoka okapale ta ka tungwa ngepathimo lyeho, niilonga yoku opaleka ehala oya li ya tameke mo 2008.

Otwa li shi li tu uvite elago oshoka iilonga oya li ta yi ende po oka mukwikolo na kapwa li okuwongaawonga, na olweetho lwiilonga lwoshipala shotango shokaple olwa li lwa manithwa pwaana okatili kasha.

Oom ta holola kutya iilonga yolweetho lwotango oya li ya kwatela mo okutunga etala nenge tutye epambliuna lyomuzile ndyoka kohi yalyo kuna oombelewa nosho wo oondunda dho ku zalela aadhani, uudjugo wokwiiyakulila nosho wo uusitola womalandithilo.
“Nando iilongo yopetameko oya li ya longwa nondjungu okapale haka ina kapwa sigo okeluwa ndika n aka keli monkatu ta yi vulu oku longithwa konyala omvula 10 ngashiingeyi oke li ashike ke tu tala omeho n aka tu wete kutya ekwatho ota li tu zile peni opo okapale haka ka pwe ko ke tu kuthe monkayi,” Oom ta tsikile.

Taholola kutya oshitopolwa shaHangwena ka shina nando okaple kena omwiidhi ta ka vulu oku dhanenwa omawudhano onkene osipana yOshikango United ndjoka yi li moosipana dhoka dha talika dhina ompito yokuya koPremier League ngele ondjodhi yaw o oya tsu nena oyena ashike oku ka dhanena omawudhano gwayo gwomegumbo kOshakti oshoka uudhano woPremier league iha wu dhanenwa mokapale kevi.
Omanga okapale kEenhana ka thigwa ondjila kati epangelo okupitila muuministeli womawudhano olya li lya tameke ishewe iilonga yo ku tunga okapale koludhi tuu ngaashi lwaahoka ka thigwa ondjila kati mEenhana moshitopolwa shaMusati hoka ke li wok a thigwa ondjilakati sigo okeluwa ndika.

Iitopolwa yokonooli onkene ta yi tsikile oku egamena kokapale koIndipendence Stadium mOshakati hoka wo ke li monkala katenya oshoka in aka silwa nawa oshimpwiyu.

Onzo yi shi kwiinekelwa muuministeli womawudhano ota yi holola kutya omutengenekwafaneko ngoka gwa pewa uuministeli mbuka ogu li ashike gwa gwana oku futa oondjambi dhaaniilonga na ita gu vulu oku longa we sha shagwedhwa po.

Onzo yimwe oya li wo ya holola kutya omathigathano gaali ngoka Namibia a li a unganeke ethigathano lyoCOSAFA nethigathano lyekopi lyo CAF lyoomeme oga li ga pula mondjato yuuministeli womawudhano na ota ku fofodholwa kutya oshimaliwa shoka sha li sha nuninwa uupale mbuka osha li sha longithwa po mo ku unganeka uudhano mboka wopaali.

Oonkambadhala dho ku mona uuyelele wothaatha okuzilila kuuministeli no sho wo kelelondoolopa lyEenhana odha li dha huulile muunyengwi pethimbo Kundana a li a yi koshinyanyangidho.

LEAVE A REPLY

Please enter your comment!
Please enter your name here