Omahangano gaaniilonga naga topolwe ko koSWAPO

0
31
Omahangano gaaniilonga kage na we onkwa okuyambula po oonkalo dhaaniilonga nakasiku otaga ka sae so lyopaushitwe. Methano otamu monika aanilonga ya li mekanka oomvula mbali dha pita po.

Tuyeni Konica Kandume

Monkambadhala yokuninga omangeshefelo muuyuni gi li pauyuuki owu na okutala kiinima ya yooloka, shimwe etungepo lyomahangano gaaniilonga, neuveko kutya omahangano gaaniilonga oga nika opolitika. Opwa kala omapopyo kutya shampa tuu ehangano lyaaniilonga lya yama kongundu yopolitika, nena ohali kanitha emanguluko neithikameno po lyayo notali ka sa eso lyopaushitwe. Namibia oku na aantu ye li oomiliona 2.3. Monamibia ongundu tayi pangele yo SWAPO, ongundu ya valwa po omolwa aaniilonga mboka ya li taya kondjele uuwanawa wawo. MoNamibia ehangano enene lyaaniilonga NUNW olya totwa po kongundu tayi pangele yoSWAPO.

ONdi itaala kutya opo ehangano lyaaniilonga lyi gwanithe po iilonga yalyo oli na okukala inaali yama kongundu yontumba yopolitika. Sho osho wu wete moNamibia mwa kana omuthigululwakalo gwekalelopo lyaaniilonga lyoshili.

Sho tandi popi shoka nda enda musho muuyuni, onda dhimbulula kutya otwa pumbwa okukutha omikalo dhilwe, unenene tuu ndhoka tadhi vulu okulongithwa moNamibia. Oshiholelwa shimwe tatu vulu oku ilonga kiilongo yilwe osho shika kutya Namibia na kale e na ehangano lyaaniilonga lyopashigwana ndyoka tali lopota kehangano lyaanilonga muuyuni, ndyoka tali kala lyi ithikamena naakalelipo naya kale ookapopyoko miinima yi na sha naaniilonga, yo oye na oshinakugwanithhwa shokukalela po aaniilonga. Olutu nduka talu iyutha komithika dhehangano lyaaniilonga muuyuni noshinakugwanithwa shasho okuninga omakonaakono nokupangula ookampani ndhoka itaadhi iyutha kooveta dhiilonga dhi li bawa.

Oto iteele ndje sho tandi ti omahangano gaaniilonga moNamibia otaga ndopitha epangelo. Shika ou shi wetele momutholomo gwawo. Oshiholelwa, iilyo ayihe yomahangano ngoka ga yama ko-NUNW kayi shi aayambidhidhi yoSWAPO ayehe.
Omukalo kamana ogo ngoka goku etha omahangano gaaniilonga ga kanithe ongushu moNamibia. Shoka otashi ulike epangelo lyaa na ko nasha , omahangano gaaniilonga kage na ko nasha naaniilonga oya thigwa yaa na nando omukumo gwasha.

Ngele omahangano gaaniilonga moNamibia oga ethwa ga tsikile ngika, nena otaga ka sae so lyopaushitwe.
Aaniilonga naya hulithe po mbala okufuta iifuta yawo yokomwedhi yo taya pula omahangano ga kalele po aaniilonga pwaa na uumbanda nolwaamambinga.

Oshitiyali okugongela aatoti yooveta ya thiminike ookamani dhi pe aaniilonga iipambuliko momahangano moka haya longo, opo kehe gumwe a mone uuwananwa.

Oshikando shotango monkalamwenyo yandje, ondi itsu iitya tayi ti “Omwa kolonyelwa shike? Iita yaSouth Korea oya pa Germany ompito yokukoka sho ya tameke taya landitha iilongomwa oyindji kuKorea.

Shi tandi shanga ombapila ndjika, Germany oshilongo oshinankondo moEurope notashi longo iilongomwa oyindji. Ngashingeyi ipula nee ngoye mwene kutya omolwashike Namibia itaa longo sha shomupondo manga tu na oshilongo Germany shoka tatu vulu okulongitha shi tungulule Namibia ngaashi naaana East naWest Germany ya tungululwa.

Omolwashike epangelo lyaGermany itaali ningi shoka tali ningi nawa moGermany moNamibia? Onda li nda talele po ofaambulika yoVolkswagen, kakwa li nda hala oku shi itaala kutya oohauto otadhi longwa komalobota taga wilikwa kaantu. Out na okutameka okulonga olusheno moshitopolwa shErongo, oshoka omu na onzo tayi ithanwa Lithium nangele ya lumbakanithwa noonzo dhilwe otayi vulu oku eta po olusheno. Aakiina oye ya aashike oku kutha moo Lithium yetu mErongo yo taya ka longa omamanya gawo goohauto taye ga landitha kondilo. Natu kondjitheni Namibia i imange kumwe naGermany okutota po oofaambulika.

Iilonga yomahangano gaaniilonga otayi dhana mo onkandangala ngiini muka? Omapangelo nookampani dhopaigwana otadhi popi kombinga yepingakanitho lyoonzo lyoshali, Ooveta dhomudhingoloko, Pww na iifuta yepangelo. Ashike kape na ngoka ha popi kombinga yonkalo ya yaga kegonga moka iinima mbika hayi ndulukwa. Omahangano gaaniilonga oga mwena kombinga yuuthemba waaniilonga. MoNamibia aaniilonga oye li kuyo yene, omasiku ga zi ko otwa li tu na aaniilonga yoCheckers taya nanwa iiyemo yawo sho taya talele po okandjugo.
Out na konyala aaniilonga yaLanger Heinrich ye li 600m mboka taya tumwa komagumbo. Out na Wetherly Mine nOtjihase taya tumu aatu ye li 450 kegumbo tse out na aantu oopelesenda 34% mboka yaa na iilonga.

Kakele kondando yoUranium noCopper ndjoka ya ya pevi, ayihe mbika oya etwa ashike kuupyakadhi woshimaliwa muuyuni.
Uupyakadhi weliko mboka wa li wa ndwafuka mom o 200/2008 nowa yaga kegonga okuza mpoka owa ulika uunkundi womaleleo. Ngashingeyi omapangelo oge li po taga popi kombinga yonkalo yeliko manga eliko tali ende tali nayipala. Ookampani dhopaigwana otadhi undulile uudhigu wiifuta yokomumvo kaalandi.

Omahangano gaaniilonga oge li peni ga popile aanilonga sho ookampani odhindji moNamibia tadhi thindile kongudhi aaniilonga?
Otandi ka hwahwameka oshikonga moka tandi tala kutya omahangano gaaniilonga naga ye nenge naga kale po.. Otatu ka lombwela epangelo kutya omahangano agehe gaaniilonga oga pumbwa okukonaakonwa ngele oge li lile po tuu aaniilonga yawo.
Omwa pumbwa olutu lwokukondololoa omahangano ngaka meendelelo ndyoka tali kala li na oonkondo dhokutidha omahanganongoka itaaga kalele po aaniilonga yagwo paushili. Ngashingeyi ngele otwa hala okumona elunduluko muuyuni li li pauyuuki, nena natu tamekeni okulongitha oshimaliwa shimwe muuyuni awuhe.
• Tuyeni Konica Kandume oamushanga gwuuyuuki niilonga moSWAPO Youth League (SPYL)

LEAVE A REPLY

Please enter your comment!
Please enter your name here