Ovaleli vaAfrika ove na okukundafana oshikumungu sheenhauki

0
33

Nonande Afrika la taalelwa komashongo mahahapu mwa kwatelwa oshinima shikudengela odi peisho, okuhena oilonga mokati kovanyasha, onghalo yokutwa ondubo nomapangelo tai kulu mokati kovanyasha, nomalandifilo mokati kovaAfrika nonoilongo yokouninginino, nosho tuu, onghene ngoo oshikumungu shoivanyasha ovaAfrika tava tula eemwenyo davo moshiponga okutauluka eembuwa nomafuta opo va aka konge ouxupilo komanenedu okouningino unenene koEuropa tashitwikile.

Momudo 2015, okwa li kwa tengenekwa kutya ovanhu va dalelwa moAfrika veli lwopeemiliona 15 ovali va dja mo mEnenendu. Mo 2017 omo amuke ovanhu 125 000 ova tauluka efuta laMediterranean noku ya moItaly, veli 2400 aveshe ova fila mefuta efimbo vali tva tauluka noumbautu.

Oshivike eshi osho ashike ota mu tengenekwa mwa fya ovanhu tava tengenekelwa po200 moiponga ivali yeembautu komunghulofuta waLibya. Omuvalu woshivike eshi owa eta omuvalu wovanhu va fila mefuta odula yoneudo povanhu vedule po100.

Nonande omivalu edi otaku hokololwa da wa pedu kanini, onghene nghaho ovaAfrika tava kanifile eemwenyo davo monghambadala omu.
Ovanhu vahapu ova kendabala okutauluka efuta la Mediterranean tava i koEropa, oko va itavela kutya oko oko komaluxwa a hapa.
Ashike omupya munene vahapu vomuvo ohava i ashike fiyo omombuwa yaSahara ile mefuta omo hamu xulile eemwenyo davo.
Mongaha, moAfrika omuna oilongo imwe ya taalela oita yopashiwana, mumwe omu na oluhepo la memememe omanga muimwe muna ashike okuhe na oilonga, nonande oilongo oyo ngeno oi na ngaho oikwafifo needjo dopaushitwe tadi wana okuhupifa oshiwana.
Afrika yee mwene keshi omufyoona, vali ovaAfrika kave na ounghundi wopamadilaadilo oku eta po oinima iwa tai dulu oku va xupifa, ile eenghono oku li longhela shaashi ngeno hasho shali ngaho ngeno.

Ashike mbela omolwashike ovaleli vaAfrika, novakalimo vaAfrika aveshe, itava tale kutya out na oku ninga ngahelipi opo tu longife oukengeli wopashito oo twe wu pewa kuKalunga? Tu ta le kutya eedjo dEnenedu otadi longifwa ngahelipi pauyuki unene tuu paku pindikafana noilongo yauninginino, oyo paushili ouxupilo wavo ukale weli kolelela kuAfrika?

Enenedu ola taalelwa shili komashongo mahapu ashike eshi shovanhu tava kanifile eemwenyo davo momafuta, molwaasho ashike tava i veke li hakane okukosha ovakulupe noinngulu yokoEuropa, oshi na okukundafanwa neendelelo.

Okupopya oshili ounauki ou kau li ashike eshongo kuAfrica ashike ouli yoo oshififahoni, noshinima sha nyika odino kEnenedu olo lili limwe lomomanenedu mayamba mounyuni. Osha yela omukundu ou ota u dulu oku kandulwa po, osha yela omafyo inaa pumbiwa mokati kovaAfrika, tava file mefuta otaa dulu oku kandulwa po, ashike Afrika ota findana ashike ngeenge ta longele kumwe.

LEAVE A REPLY

Please enter your comment!
Please enter your name here