A pewa egeelo sho a adhika neyego lyondjamba

0
73

Victoria kaapanda

OSHAKATI – Linus Shonena goomvula dhopokati okwa li a pewa egeelo lyoomwedhi hamano mondholongo nenge i ifutile mo N$10 000 oshiwike sha zi ko, sho a li a tamanekelwa oshipotha konima sho a adhikile neyego lyondjamba megumbo lye omvula ya zi ko mOshakati, molukanda lwedhina Oshikango.

Shonena ngoka a li a dhika neyego lyondjamba lyongushu yithike pooN$20 000, okwa li a lombwele ompangu kutya oku na ondjo, nelalakano lye okwa li a hala e ke li landithe po opo a mone uuhupilo oshoka iha longo, ye a wape okuyambidhidha oyana ye ye li 13 mboka ha zi nayo.

Omweetigwiihokolola gwepangelo gwiihokolola yepangelo Nelao yaFrans okwa li a indile ompangu opo yi pe Shonena egeelo lyoomwedhi hamano mondholongo nenge i ifutile mo ooN$10 000.

“Iinamwenyo oya pumbwa okugamwenwa nokukalekwa po moshilongo, nena ngele oya dhipagwa po otayi shonopala moshilongo nuunona mboka opo tawu koko itawu ka mona ompito yokumona iinamwenyo mbyoka, otaye ke yi mona owala momathano, sho ishewe oshi li ompinge nooveta dhoshilongo,” Ya Fran ta ti ngaaka.

Omupanguli Leopoldt Hangalo okwa li a tsu kumwe na yaFrans nokwa gwedha po kutya iinamwenyo oya simana moshilong, oshoka ohayi eta oshimaliwa moshilongo ngele aanilongo yokondje taye ya okutalela po Namibia nokuthika komahala ngaashi naana ngoka giinamwenyo.
Nena ngele oya dhipagwa po otayi hulu po noshimaliwa moshilongo otashi shonopala.

Hangalo okwa li a pe Shonena oomwedhi hamano nenge eifutile mo N$10 000 nonando halyo egelo lyagandjwa kekotampango lyoshilongo, uuna gumwe a adhika neyego lyoshinamwenyo.

Ashike okwa li a pewa egeelo ndyoka oshoka osho kwa li oshikando she shotango ta yono, ye ishewe ohe yuunona wu li 13 mboka e na okukala ta yambidhidha.

LEAVE A REPLY

Please enter your comment!
Please enter your name here