Msunday ota pititha ‘My Everything’ Omaandaha twa taalela

0
12

Indenikuye Shuudune a tseyika nawa moongalo nedhina Msunday okwa tseyitha ta pititha ongalo ye ontiyali yedhina ‘My Everything’ Omaandaha twa taalela. Ongalo ndjika yoAfro Pop ya ningwa omikwelengendjo kuArrafat okuza koTripple 7 Studio oya landula sho Msunday a pititha okangalo ke kedhina Show Me omvula ya zi ko, hoka ka kala noku inyenga nawa mooradio dhOshiwambo. Nonando oongawo, okavidio kokangalo haka oka kala nokukala methigathano lyuuvidio dhingi, unene tuu ngoka go NBC Tv noOne Africa. “My Everything okangalo kohole, moka tandi popi kombinga yomuhollikekadhona gwandje, ngoka oye ashihe kungame,” Msunday ta ti ngaaka.Msunday okwa ti ongalo ndjika otayi ka landithwa taku pitilwa komalungula, notayi ka adhika kepandja lyoongalo dhaNamibia lyoNamibia Music.com ndyoka hali landithile Aanamibia oongalo komalungula.  Msunday okwa gwedha po ishewe ta ti oalbuma ye otayi ka pita muKotomba, nomikwelengendjo dhoongalo moalbuma muka otadhi ka ningwa Araffath, Patrick Thaniseb naDJ K Boz. Msunday okwa tseyika nawa noalubuma ye ontiyali ndjoka yedhina Stop Crime, ya pitithilwe omvula ya piti. Oalubuma ndjika oyo yimwe ya li ye mu petha oshitalenti shili pomuthika gwopombanda, no ye mu simanekitha ishewe unene kaakalimo yomOmungandu gwaShigwedha. Msunday okwa li ishewe  a manga uukuni pamwe nakuume ke J.S opo ya ninge oalubuma pamwe naye, ndjoka tayi ka ithanwa Real, yi na oongalo dha tsa ngaashi Ombwela, Gwamanguluka, In Apala naShe is like a Vacuum.

LEAVE A REPLY

Please enter your comment!
Please enter your name here