Omapopyo gevi lyooyinakulu – Omukundu omunene gwopolohalama yetulululo yopashigwana

0
22
Uzochukwu Okafor

Uzochukwu Okafor

Omutumbiilonga gu na sha nepulo kombinga yevi, ngoka gwa li gwa hulu nomutumba gwopashigwana gwetalululo lyevi nepulo kombinga yevi ngoka gwa li gwa ningwa moWindhoek momumvo 1991. Shimwe shomiizwemo mbyoka ya li ya zi muka osho shika kutya okushunitha evi lyooyinakulu itashi ka ningwa. Omutumba nguka ogwa li gwa eta puuyelele omatompathano kombinga yooyene yevi ngoka itaga vulu okukupikwa kumwe, nonkene, etokolo kutya evi itali ka shunithwa meukililo kwaamboka ya li ya gumwa koshikumungu shika sheyugo lyevi.
Nonando pe na euvathano ndika, muule dhoomvula ndhika, opwa kala omangungutulo taga zi maakalimo yamwe taya pula opo ku talululwe oshinima shika nokuningwe omutumba omutiyali. Omutumba omutiyali sho gwa eta ko eyulu ngashingeyi, omazima ngashingeyi otaga ende taga ningi omagandambadhi osho wo omambandameko. Onkene osha simana opo oshikumungu shika shi talululwe. Otu uvite uuntsa kutya osha kwatelwa mo momusholondondo gwomutumba gwevi ngoka gwa li gwa nyanyangidhwa omvula ya za ko.

Osha simana okundhindhilika kutya aantu oyendji ohaya yanda okukundathana oshinima shika omolwa uukwatya nonkalo yasho ndjoka ya nika okakombo noludhi. Omolwa omayiuvo ga dhama, aantu oyendji ohaya yanda oshikumungu shika. Ashike nando shi li ngawo, otu na eitaalo kutya oshikumungu shika oshi na okutaalelwa nokukandulwa po.

Ehalo lyetu okupalamena oshinima shika nokugandja omadhilaadhilo getu nengungumano ngaashi tashi vulika, tse natango tatu shoko wo okutsi okupulakena komawi nomishangwa dhilwe ndhoka itaadhi tsu kumwe nodhetu. Endhilaadhilo oku eta koontundulu uuyelele mboka tawu vulu okulopota kombinga yoshikumungu pamukalo ngoka gu na uuyuki, nuuthikepamwe.

Mpoka pe na okutamekwa okutala muule yonziililo yoshinima shevi lyuuthiga. Oshi shiwike nawa kutya ngele itatu fatulula uupyakadhi mondjila, nena ekandulepo otali vulu okukala lya nkundipala. Oshinima sho shuuthemba wevi lyookuku kasha shi oshinima oshipu, unene tuu moNamibia, moka tamu holoka uuthemba wevi dha palathana osho wo moka mu na uudhigu moku koleka kutya oolye naana ya li ooyene yehala ndyoka tango, pwa pita nokuli oomvula dhi vulithe ethele. Shika otashi vulu okufatulula omaipulo gapresidente Hage Geingob, sho a pula epulo kutya ngiika otatu shuna shi thike peni monima nondjokonona, opo to tu koleke uuthemba mbuka wevi lyookuku. Okukutha South Africa onga oshiholelwa, omvula yo 1913 moka mwa li mwa tulwa miilonga Oveta yevi, nomvula ndjoka oyo ya li ya longithwa ongendhindhiliko. Okugandja uuyelele kombinga yomwaka kombinga yomapopyo gevi lyookuku, otatu ka gandja oshiholelwa shimwe, elunduluko lyaantu moshitoplwa shaMeheke.

Otatu ka longitha uuyelele tawu zi mombaapila yedhina “Poverty, Land and Power in the Omaheke Region” (Uuthigona, Evi noonkondo moshitopolwa shaMaheke), ndjoka ya li ya shangwa mo1995 kuJamez Suzman. Shi ikwatelela komushangi nguka, Ovakheruwa, shoka tashi aantu yotango, osho hashi ithanwa Aaju’/hoansi mboka oyo ya li aantu yotango mOmaheke, manga inaamu tembukila aalithi yiimuna moshitopolwa. Aaju’/hoansi otaku popiwa ya li haya pindike mokati kawo nomathimbo omashona naantu yomihoko dhilwe uule woomvula omayovi gaali, nosho ya kala sigo omoomvula dho1800, oyo ya kala aakalimo yomOmaheke. Ashike omomudhingoloko ogwa lunduluka sho mwe ya Aatswana, Aaoorlam nAaherero.

Ondjokonona ndjika yopaufupi yoshitopolwa shaMaheke otayi ulike uukwatya wumwe mboka uudhigu mokundjandjukununa edhilaadhilo lyuuthemba wevi lyookuku. Oshiholelwa, okutopolulula evi mOmaheke, otaku egekwa onkalo yopaife ndele taku gandjwa evi kAaju’/hoansi?
Oku shi ninga oshipu, otwa thiminikwa tu ete po oshitya shoka tu wete tashi uvika ko nuupu. Otu na eiyuvo kutya uuna aantu taya popi evi lyooyinakulu, olundji ohaya kala taya popi uuthemba wevi yaamboka ya li yugilwe pethimbo lyuukoloni waGermany naSouth Africa. Ngele osho ngaaka, nena natu lundululeni omutyo e tatu tala kwaamboka ya kanitha evi lyawo, e tatu ya luku Colonial Dispossessed Communities (CDC’s). Oongundu ndhika oompu okundhindhilikwa notatu vulu okutula po esiku. Sha landula elunduluko ndika lyomapopyo gevi lyuuthiga, paife otatu ka kundathana kombinga yedhiladhilo lyo-CDC.

Sho twa tula po endhiladhilo lyetu kombinga yoshinyolwa shika, ngashingeyi otatu ka tala neyitulemo komaiyuvo ga yooloka taga zi kaakuthimbinga ya yooloka. Sho tatu ningi ngeyi otatu ki ikolelele komaiyuvo ngoka taga etwa po, noiitaku ka ningwa nando omapangulo gasha.

Ope na edhiladhilo ndyoka tali etwa po kwaamboka taya popile etalululo lyevi kutya etokolo lyokwaataamba omapopyo gevi lyuuthiga momutumba gwotango gwevi ogwa li gu na okukala gwe endela pamwe nokuninga o-CDC onga oshinima sha simana mopolohalama yopashigwana yetulululo. Mboka ye na eitaalo ndika, oya tsikila nokupopila kutya opo edhiminathano moshigwana lyi kale kolutenda, kasha li sha gwana oku itula mokukutha evi kaatiligane tali tulwa momake gaaluudhe ashike okukandula po wo omayooloko gopandjokonona ngoka ga etwa keyugo lyevi.

Ope na wo omayiuvo ga tsa kutya mboka ya yugwa evi oyo ashike naya kale ya mona uuwanawa mopolohalama yetulululo yevi yopashigwana.
Ashike shika otashi tompwa kwaamboka taya ti kutya iita yekondjelomanguluko oya li kombinga yevi noya luwa kAanamibia ayehe, oshoka osha li sha guma aakalimo ayehe shi thike pamwe. Taya ti haangundu dhaantu adhihe dha mona iihuna shi thike pamwe nokutula oonkalamwenyo dhawo moshiponga shit hike pamwe. Ongundu ndjika onkene otayi popile kutya okukala ya sindana iita yekondjelomanguluko, Aanamibia ayehe naya talike ngele tashi ya ketulululo.

Ope na wo mboka ye wete kutya opo ku tungwe Namibia lya hangana okuza konkalo moka oshilongo naantu ya li ya topolwa shi ikolelela komihoko, nena osho shi na okutalika ngele tashi ya ketalululo. Kwaambaka, okutaamba iiningwanima yopandjokononona otashi eta onkalo yoshiponga moka tashi vulu okukaleka po omatopoko gomonakuziwa. Onkene yo oye wete sha simana etalululo netulululo lyevi yi longithwe onga iikwatelikomeho medhiminathanepo lyopashigwana, okutunga uukumwe osho wo oshilongo shaa na okatongotongo.
Sho tatu dhilaadhila oshinima shika shetalululo, otashi kala shi na oshilonga tu ilongele komushiinda shetu South Africa. Mokuninga ngeyi, otatu yanda iilambo nokuninga omapuko ngoka ya ninga. Opo tu vule oku shi ninga, otwa hala tu ikolelele mombapila yomapekaapeko ga tsa ga ningwa kehangano lyoKonrad Adenauer Foundation, moJohannessburg 2003, ya shangwa kuBerus De Villiers moka a li ta yelekanitha omatalululo gomavi moZimbabwe, Namibia, South Africa naAustralia, osho wo oku ulika okwaanyanyukwa kwawo metalululo lyaSouth Africa. Omapekaapeko ge taga ulike kutya uuthemba wevi lyuuthiga oga pumbwa omapekaapeko gomuule go oge na uukwatya weidhengomumwe ethimbo kehe.

Petameko, mboka ye na okumona uuwanawa mbuka ohaya kala olundji inaaya kwatelwa mo moonkundwa, moka oohahende, aapyokoki osho wo aatseyinawa yalwe haya kala oyo taya dhana onkandangala moshinima shika. Omanga mboka ye shi nuninwa haya kala yu uvite ye likondje yomusinda konima yetalululo.

Manga oshinyolwa shika inaashi ya pehulilo, otwa hala tu gune aakuthimbinga ayehe opo ya taalele oshikumungu shika nuukeka osho wo ohole yoshigwana opo ku yandwe uutondwe nongeyo. Eeno, otatu vulu okugeya mpano naampeyaka, ashike itatu vulu oku etha omatokolo getu ga ningwe mongeyo. Natu dhimbulukwe aluhe okuninga omatokolo ngoka taga dhiki ongudhi ndjoka tayi kwatele po uuyuuki nuuthikepamwe.

Sho omutumba nguka tagu ka tameka neyimbilo lyopashigwana, natu ndhindhilikeni kutya itatu vulu tu tyeni otatu gandja ohole neinekelo muukumwe ngele otwa pingene po oshiho shoshigwana nopolohalama yokuyokela omundilo pehala lyoye.
• Uzochukwu Okafor okwa li omutaleli gwevi nomatungo omukuluntu mUuministeli Wetalululo lyevi.

LEAVE A REPLY

Please enter your comment!
Please enter your name here