Wahengo pamwe nongundu ya nyanyudha oshiwike sha piti

0
15
Yamwe mboka yomongundu yoMighty Dreads (Efano: Nampa)

Pinehas Nakaziko

WINDHOEK – Jackson Wahengo omuwiimbi ngoka a tseyika nawa noongalo dhe ndhoka hadhi imbwa noshiketala, nokwa li ishewe a nyanyudha oyendji ehuliloshiwike lya zi ko sho a li a imbi pethimbo lyokudhana oongalo muuyuni. Wahengo okwa li a popi naKundana ta ti ehuliloshiwike ndika gwelulu ote ki ipelwa, oshoka ita ka imba owala oongalo ndhoka eshiwikile nadho nale, ashike ota ka waiyiminwa kaahikingalo mboka ya li ya tameke oku imba pamwe naye noya li ya tseyika nawa nedhina Mighty Dreads.

OMighty Dreads ongundu ndjoka ya kwatela mo aamwayinamati yaali noyala kala noku imba pamwe okuza mo 1990. Konima yoomvula oofupi, Wahengo okwa tameke oku imba oye awike, unene tuu mo2012 moka a li a tameke oku imba oongalo dho Afropop, Zouk noReggae, nokwa kala noku ulika nokutseyitha oongalo dho shiAfrica, moka a kala ta imbi pondje yiilongo.

Omaimbilo ge oongoka ga imbwa mOshiwambo, notaga tanga unene iiningwanima mbyoka hayi ningwa mOshiwambo. Oalbuma ye yedhina Akutu Hewa oyo ya li ya dhenge mbanda, nomaimbilo ngoka ga li gatseyika nawa ongaashi Kalomoh, Abisai, Kwamalanga nEfimbo.
Uusiku wEtitano lya piti opwa ti le pwaka poombelewa dhehangano lyoGoethe Institut moshilando, sho omwiimbi gwoongalo dhOshiwambo ndhoka dha dhenga mbanda a nyanyudha oyendji pamwe nongundu ye. Aakwashigwana oya li ya hiwa opo ya holoke yo ye ye ye shi ingile nokunyanyukwa pamwe.

LEAVE A REPLY

Please enter your comment!
Please enter your name here