Haitope naReinhold ye shi enditha nawa muudhano wOld Mutual Victory Race

0
12

Komutoolinkundana

ONGWEDIVA – Olweetho olutiyali luudhano wokukutha oonkali pepata mboka aluhe hawu kwashilipalekwa kehangano ekulukulu nenankondonkondo lyaOld Mutual ehuliloshiwike lya zi ko owa li wa ki ihela kondoolopa yaKeetmanshoop moka aamatuki yiinano iile ya li ya yungu oontanda okuninga shanamutango kesindano.

Kapu na omalimbililo omadhina omanene miinano iile natango oge li taga ulike oomemo, Lavinia Haitope okwa li natango uulike kutya oye ta pangele oshinano sho 10 km konima sho a li a kangele uukadhona uukwawo mboka wa li wa kutha mbinga moshinano shika, ngaashi Otilie Haimwata ngoka na ye e li ha tilika miinano iile moNamibia ngoka a li a toola po ehala etiyali na okwa li eendjamo Lavinia, pehala etitatu pwa li pweya Mweuya Joseph.

Thomas Reinhold okwa li uulukile ooyakwawo komutse gwondjamba moshinano sho 10 km konima sho a li a kutha oonkali pepapata no ku tsimika osti momapandaanda gaKeetmanshop ta kutha po ehala lyotango moshinano shika moka a li a landulwa ku Elia Uugwanga pehala etiyali omanga Tangeni Sakaria a li a toola po ehala etitatu nolya hugunina.

Sophia Nambambi okwa li a kangele mboka ontana dhanelende dhoka dha li dha kutha ombinga moshinano sho 21 km moka a li a endjwa mo ku Ester Haitope ngoka wo e li omumwayina gwa Lavinia Haitope ngoka a li uulike kutya oshitalenti sho ku matuka iinano iile oshi li mombizi sho a li eshipondola oku ya pehala etiyali.

Ye Anna Amukoto teya pehala etitatu nolyahugunina moshinano shika.
Kynhardt Kauanivi oye ta pangele oshinano sho 21 km shomakanda konima sho a li eya gwotango a kangela ooyakwawo mboka ya li ya kutha ombinga ,oshinano shika, ta landulwa ku Matheus Kadhingula pehala etitatu , ye Kornelius Nghilyendele teya pehala lya hugunina.
Olweetho olutiyali lwa hugunina lwuudhano mbuka olwa tsimika otsi lwa thinda kOshakati shaNangombe mehuliloshiwike lyo 28 Juli moka aamatuki yiinano iile ya tagelelwa natango ya ka kuthe oonkali pepata omanga ethigathano ndika ina li ka fumbika onkol meti 14 lya Juli moshilandopangelo moka omapu ta ga kaza moongongo, konima sho lya li lya shimbikile moSwakopmund.
Kehe omumatuki okwa tegelelwa a kuthe ombinga momathigathano gaali, na ethigathano lyOvenduka oli li ta li dhengele moka kehe omumatuki a tegelelwa a ka kuthe ombinga.

Omusindani moshindani dhingi moshinano sho 21 km ota ka ya kegumbo a humbatithwa oshoka ota ka toola po okapandi koodola 15 000, omanga omutiya ta ka mbendekwa okapandi koodola 10 000, ye omutitatu ota ka fadhuka po noodola 5000.
Kakele kiiponda mbaka yatatu kehe gumwe ota ka pewa okatekete kokuya komawudhano gwopaali koCape Town ngoka ha ga ithanwa Two Ocean Marathon momvula twathinda 2019.

Sheku Nepembe omugandjimulombo mehangano lya Old Mutual okwa li a holola okwa holola kutya Old Mutual oku li ta a tala omawudhano amanamo na okuli nale iitulila omutengenekwafaneko gwuthike pemiliuna limwe oshimwanu yimwe oku yambidhidha omawudhano.
Okwati puudhano opo tu mpoka osipana yoKeetmans yaanuulema oya li ya sindana okaleptop sho olyo endiki lina aanuulema oyendji ya kutha ombinga.

LEAVE A REPLY

Please enter your comment!
Please enter your name here