Omatumwalaka gongushu okupitila momayimbilo

0
27

Victoria Kaapanda

ONGWEDIVA – Omayimbilo ohaga lundulula omadhiladhila gagumwe uuna a kwatwa kombepo ya nyata nenge komadhiladhilo omawinayi. Ndhino odha popiwa komukuluntu gopombanda gwendiki tali ithanwa Blessing Entertaiment, Ikolelamomuwa Ekandjo oshiwike sha zi ko moonkundathana naKundana.

Ekandjo oku li ta longekidha oosikola dhomonooli ndhoka hadhi imbi omalwiimbo dhingi, dhi thike pomwaalu gwoosikola 22 lwaampoka nodha tegelela esiku enene lyi iyumbe ko.

Oosikola dha za kiitopolwa Oshana, Ohangwena, Omusati nOshikoto,adhihe otadhi ke shi iningila, moka tadhi ka topolwa moondondo oonshona noonene,moka tamu ka tothwa okayimbilo hoka taka ka nyuwitha omakutsi, okatoye onga ta ka liwa, okafupi noke na etumwala lyokukumika nokudhipaga po omadhidhila omawinayi maanasikola oshowo aanyasha taya kwatwa kombepo nokomadhiladhilo ga puka kohi yoshipalanyolo Okunkondopaleka okanona okakadhona neyimbilo, tashi takumwa taku ti “Empowering the Girl Child with a Song”.

“Ngele omunasikola ta kala nokupulakene kokayimbilo hoka ta ka tothwa mo dhingi muuyimbilo awuhe, ee ta uvu etumwalaka ndyoka lya gandjwa mokayimbilo nena omunasikola ngoka tashi vulika a li e na elalakano lyoku etha osikola, oku ikutha omwenyo nenge okuya momilalo manga e li mosikola, nena ota hilwa kiitya mbyoka a pulakene ee ta etha shoka a li a dhiladhila sha puka” Ekandjo ta ti.
Ekandjo ta ti elalakano okugandja omayele, omukumo nokudhipaga po omadhidhilo ga puka maanasikola oshowo maanyasha okupitila momayimbilo, oshoka aanasikola oya taalela omashongo omanene, ngaashi naana okweetha osikola omanga inaya mana eyilongo lyawo,
okulonga iimbuluma, okulongitha iingangamithi oshowo okwiikutha omwenyo .

Ta gwedha po kutya okuwete noku na omukumo kutya okutuma omatumwalaka okupitila momayimbilo otashi ka kwathela lela noonkondo. Okwa li a gandja oshiholelwa shaagaluki mboka ya li kombanda sho ya li haya ipe omikumo nomayimbilo kutya oye na oku shi pondola nokugalukila kevi lyawo noya li ye shi pondola tuu shili.

Paulina Shiimi ngoka e li omukwatelikomeho goBlessing Entertainment okwa li a lombwele onzokundaneki ndjika kutya osikola ndjoka tayi ke ya pompito yotango otayi ka mona omagano gooN$5000, omuzalo gwoskola gwi ihwa po gongundu ayihe yosikola oshowo oradio yokukwata omayimbilo, yo tayi ka thanekwa omathano kwa fa kwaa na ngula.

Osikola ndjoka tayi keya pompito ontiyali otayi ka mona omagano gooN$ 3000 nosikola ontitatu otayi ka mona omagano gooN$ 2000.
Shiimi ta ti esiku ndyoka enene otali ka dhanenwa poYouth centre mOngwediva omasiku sho taga ka kala 21 Juli nuumvo nakehe gumwe okwa tegelelwa a kale a thika nokatekete ota k aka kotha N$ 50.

Blessing Entertainment okwa li a pandula kehe gumwe a li a yambidhidha nokashona hoka ena po, nakehe ngoka e na ohokwe natango okukwathela okwa manguluka natango okukwathela oBlessing Enterteinment.

LEAVE A REPLY

Please enter your comment!
Please enter your name here