Oshipala shehuliloshiwike shomawudhano

0
47
Yamwe yomoonakana ku udha iiyela mboka ya li ya kutha ombinga methigathano lyomawudhano pOnamatanga omumvo gwa za ko.

Shipi Elago

Ongwediva – Ehuliloshiwike ndika omawudhano ogapakela ga fa ofenya naaholi yomawudhano ga yooloka otaya ka ninga oshini to li po oshoka omawudhano oga pita ko ga fa uutana wa gwaya koshigunda.

Ethigathano ekulukulu lyaalongisikola ndyoka hali unganekwa kehangano lyaalongisikola monooli NANTU otali ka galukila mondambo ehuliloshiwike ndika pokapale kaShakati Independence Stadium moka oomitili nooyeflou taya ka dhana moosipana dhiikandjolongo moka haya longele, uudhano mboka hawu kala wa tegelelwa koyendji nuumvo otawu ke etelela omaludhi guudhano wu li patatu moka mu na okatanga kokoompadhi, okatanga komokambamba nosho wo etanga lyokomake (Volleyball).
Omusindani mokatanga kookoompadhi ota ka mbendekwa okapandi kooN$5000, omanga omutiyali ta ka pewa N$3000, naangoka te ke ya omutitatu ota ka pewa N$1500.

Enyakwa lyuudhano woNetball noVolleyball ota li ka yambula po okapandi kooN$3000, ngoka te keya omutiyali ota ka pewa uukaya wo N$2000, ye omutitatu ta ka pewa N$1000.

Omayishangitho ooN$800 kokatanga kokoompadhi, omanga koVolleyball noNetball taku ki ishangithwa noon$500.
Uukambe: Ehuliloshiwike ndika ontsi otayi ka tsima kombanda yomeya mpeyaka pOnamatanga okuzilila pokapale kaHelvi Kondombolo sho uudhano woonakana ku udha iiyela mboka hawu kala ko omumvo kehe tawu ka galukila mondambo nokutala kutya okakambe keni taka ka kangela uukambe uukwawo miinano ya yooloka ngaashi oometa 1000, 1600, noshowo 2000m.
Ethigathano ndika nonuumvo oli li komapepe gwongesefa yoKambwa Trading ndjoka ya kala nokukwashilipaleka uudhano mbuka okuza tu sho wa li wa totelwe.

Omukwatakanithi gwuudhano mbuka Johannes Shaanika okwa li a koleke kutya ethigathano ndika oko li li ehuliloshiwike ndika noye li ya gwedha mo omaludhi gwuudhano wa yooloka uupe, nota ya ka ninga wo omalanditho goKakambe kamwe hoka ka gandjwa komukwashigwana opo ka kwathele osikola yaayelele yaNamatanga.

Onamtanga oyi li moshitopolwa shaMusati moshikandjohogololo shaRuacana noyi li konyala ookilometa 120 muuninginino wondoolopa yaKahao.

Ethigathano lya-OTB Sport: Oosikola odhindji monooli otadhi ka kala dha ninga oshuulilo pendiki lya-VTC mOngwediva okukutha ombinga methigathano lya-OTB lyoosikola lyokomumvo ndyoka tali tameke ongula yanakwasha.

Omukwatelikomeho gwongesefa ya-OTB monooli Penny Francisco okwa li a holola kutya oye li ya tegelela oosikola opo dhi ka holoke pethimbo naadhoka hadhi zi kokule nadhi ninge omalongekidho gaampoka tadhi kala dha yunga oontanda pethimbo taya kala muudhano mbuka moka kwa tegelelwa wu ke ye pehulilo osoondaha ndjika.

OTB ongeshefa hayi landitha iizalomwa niilongitho yomawudhano dhingi moshilongo ashihe noyi li hayi shunitha okashona hoka haya likola momidhingoloko moka haya ngeshefele opo ya yambule po omawudhano.
Shiti ota ka tekela mbundje ehuliloshiwike ndika onkene ninga ehogololo lyoye kutya oto yi komawudhano geni.

LEAVE A REPLY

Please enter your comment!
Please enter your name here