Torshlam ta ningi oongalo tadhi tungu

0
167
Torshlam ngoka a tokola okwiimba oongalo tadhi tungu.

Pinehas Nakaziko

WINDHOEK – Torshlam ngoka e li ha ningile omaimbilo ge okuza monooli yoshilongo momukunda Onesi mUukwaluudhi okwa ti ye okwa hala okuninga oongalo tadhi tungu.

Nedhina lye pakuudha, Joel Paulus, omunamivo 27 okwa li a tameke okwiimba manga a li ha hiti osikola ye yOsoondaha, ashike ohokwe ye yokutota po oongalo okwa li ya holoka muye sho a li a panda oongalo dha The Dogg naGazza ndhoka dhoKwaito.
Pethimbo a li ta ilongo mushimwe shomiiputudhilo yaSouth Africa, Torshlam okwa kala nokushanga omaimbilo ge okuza mo2016 sigo opehulilo lyo2017, mpoka a li a pititha oalbuma ye yotango yedhina Uupeko, ta kwathelwa kuMox, Okocha naKinzo.

Nonando oalbuma ndjika okwa li ombwaanawa lela, Torshlam okwa ti ye ina mona naana ethimbo lyoku yi tseyitha kiifokundaneki oshoka okwa kala a ipyakidhila neilongo lye. Oalbuma ndjika okwa li ya dhanwa nawa kooradio dhomoshilongo ngaashi Omulunga, Omaheke, nosho woo yo ya Katimukupulwapale.

“Oalbuma ndjika okwa li ashike tayi popi kombinga yondjila ndjoka nda enda moongalo, nonando inandi ninga mo ethimbo,” Torshlam ta ti.

Omvula ndjika Torshlam okwe ya a tokola, nokwa ti ota ka ninga oongalo ndhoka tadhi tungu. Ngashingeyi oku li nale a imba nokwa pititha uungalo uyali, womadhina Ontumwafo naWho is the Winner. Ontumwafo ongalo ndjoka tayi kumagidha aanyasha opo ya tule po omadhipago nomahepeko goomeme nuunona, omanga Who is the winner tayi kumagidha opo aanyasha ya longe nuudhiginini.  Uungalo auhe mbuka ouli wa pita nuuvidio wawo, nou li tau inyenge nawa komapandja gwointaneta.

Torshlam okwa ti omaimbilo ngaka otaga ka kala moalbuma ye ontiyali, ndjoka tayi ka pita pehulilo lyomvula ndjika. Oalbuma oya lukilwa okangalo Ontumwafo. Notayi ka kala yi na oongalo 18, noyi na omulyo gwoongalo dha yoolokathana.
Torshlam okwa gwedha po ta ti ye ota ka enda noosikola dha yoolokathana okuza konooli yoshilongo, opo a vule okutseyitha oongalo dhe unene tuu kaanasikola.

LEAVE A REPLY

Please enter your comment!
Please enter your name here