Uukadhona womOshana komalolelelo gwosipana yopashigwana

0
25

Shipi Elago

OSHAKATI – Onakuyiwa yuudhano wokatanga kokoompadhi waakadhona monooli otayi ulike omulilo omwaanawa unene tuu sho omwaalu gwuukadhona mboka hawu undula okatanga kokoompadhi gu li tagu indjipala esiku nesiku okuyelekanitha nomonakuziwa.
Uukadhona wu li uhamano owa li wi idhenge ondjila okuya koshilandopangelo wu ka wayimine uukadhona uukwawo moshilongo momalolelo gwokuya mosipana yopashigwana yaakadhona ndjoka tayi ka kutha ombinga methigathano lya-COSASA nuumvo.
Omanga inaya ya mela lyondjila yamwe yomuukadhona mbuka oya li ya kutha ethimbo nokupopya naKundana pomayidhewulo gawo gahugunina mOngwediva Olyomakaya ga za ko noya li ya holola ngeyi.

Emilia Amutenya: “Ondi na omimvo 13 nohandi sikola posikola yaGolden Meggy moka ndi li omudhani gwokomeho nondihole okutula mo ookoola, ndjika oyo ompito ombwaanawa opo ndi ka ulukile mboka ye na oshinakugwanithwa shokuhogolola osipana yopashigwana oshitalenti shandje oshoka onda hala okukalela po oshilongo shandje , otandi pandula aakuluntu yandje sho ya pitike ndje opo ndi kuthe ombinga momawudhano pwaa na engongoto noye li haya pendje eyambidhidho lya gwana . Okatanga kokoompadhi onda li nde ka tameke konyala oomvula mbali dha piti okupitila mopoloyeka yoGalz & Goals.”

LEAVE A REPLY

Please enter your comment!
Please enter your name here