Aguste a thika, oshiindingili shoMusic Under the Star nasho shi iyumba ko

0
15
Miss H, omuhikingalo

Komutoolinkundana

WINDHOEK – Aguste okwa thikana, onkene oshiindingili shoNight Under theStars koGoethe-Institut Namibia nasho osha thikana.
Oshiindingili shika otashi kala elongelokumwe lyaahikingalo yane mboka taya ka eta omukalo omupe mondambo mEtitano momasiku ga-03 Aguste 2018. Ya za kiilongo itatu yaAfrica, noya yooloka, okwa tegelelwa ya thige Aanamibia ya gwa kiipundi.

Gumwe gwomaahikingalo mboka ye shiwike nawa moNamibia, Miss H, ngoka a za kondoolopa yokomunkulofuta yaSwakopmund, okwa endaenda iituthi noondambo odhindji newi lye lya nkondopala ndyoka hali kakameke oyendji.

Ha dhana oongalo dhoblues nosoul, Miss H okwa tegelelwa a ka kwathele ookuume ke moongalo, ngaashi Tatenda Mupfimira, ngoka a kala nokudhana okahumba uule woomvula omu-19 dha za ko.

A zi koHarare shaZimbabwe, Tatenda ngoka a tseyika woo nedhina Ray, okwa kala nokukoleka uunongo we moomvula adhihe ndhoka miihikomwa yombira, mariba, chipendani nohosho. “Onda tegelela lela oku ka nyanyudha koNUTS oshoka elongelokumwe ndika itali ka shonga ashike uunongo wandje, ashike otashi ka shonga wo uunongo waahikingalo ayehe mboka taye ke ya poshiindingili mpaka, Tandenda, ngoka i itala ko ye mwene onga omudhengi gwiihikomwa oyindji ta ti.

Titus Mapundu, ngoka naye a za wo koZimbabwe nokwa yambukule koBulawayo naye ota ka kala omunyanyudhi poshiindingili mpaka. “Oye omudhengi gwokangoma ndi shi dhingi pwaa na omalimbililio,” Tatenda ta ti

Gwahugunina oEmmanuel Ndifon, ngoka a za koshitopolwa shaCross River State koNigeria nokwa kala moNamibia uule woomvula omugoyi dha ka pita.

Oha dhana oshiketala shokolusheno nokwa nokwa kala ha kumikwa kaahikingalo ngaashi Johan Mayer naAmy Winehouse, mboka ye shiwikile oongalo ngaashi blues, rock/popo nocountry

LEAVE A REPLY

Please enter your comment!
Please enter your name here