Enzuna dhingi mOutapi tali ka sindana oshindji

0
130
Nelly Frans ngoka ta ka kutha ombinga methigathano lyokakadhona dhingi mOutapi.

Pinehas Nakaziko

Windhoek – Alongekidhi yoshituthi shegandjo lyoshikoloni kokakadhona dhingi mOutapi oya tseyitha kutya nuumvo Ms Outapi ota ka sindana oshindji.

Kakele ashike kooN$10 000 tadhi ka sindanwa koomuma, opu na ishewe iinima oyindji tayi ka sindanwa ngaashi ongodhi ompe, oothewa dhoku ininga nawa moshipala, elongo lyokwiilonga okuhinga, noka ka lala kuyimwepo yomoohotela monooli, okutumbulapo ashike yimwe po.
Nuumvo Ms Outapi okwa tengenekwa a ka ningwe pehulilo lyaAguste, poOutapi Mini Lodge pokati kondjila onene yaShakati naRuacana.
Queen Amvula ngoka e li ta longekidha oshituthi shika okwa ti omalongekidho oge li metifa, noye li ya tegelela ayehe mboka haye ya sapota opo ya vule okutsa uukuni kumwe yo yaninge oshiindingili shika shi kale sha dhenga mbanda.

Amvula okwa ti nuumvo oye li ya mona uukadhona mboka wa adha po78, wa inyolitha nale opo wu ka kuthe ombinga methigathano ndika. Kakele kwaashoka, oye li ishewe taya longekidha ehogololo lyahugunina poOluzizi VIP Lounge movenduka, nopOutapi Mini Lodge pehulilo lyomwedhi nguka, moka opo taya ka kutha omwaalu guukadhona mboka tawu ka kutha ombinga medhingoloko lyahugunina.

Kakele ashike kuukadhona mboka tau ka sitapa uusiku mboka, otapu ka kala ishewe oo DJ odhindji tadhi ke shi iningila, nokunyanyudha mboka taya ka holoka.

Manga esiku enene lyokugandja oshikoloni inaali thikana, uukadhona mboka tau ka kutha ombinga otau ka kala nokutalelapo ondoolopa yaOutapi, nokuya koshituthi shOlufuko nuumvo.

Aahikingalo aanene mehangano lyoongalo ngaashi Gazza, Tequila, Exit, noKongoma African Dancers oyo taya ka mwenyeka koshituthi shika.

LEAVE A REPLY

Please enter your comment!
Please enter your name here