Oliha yovolleyball yi li komuzimbukilo

0
12

Komutoolinkundana

WINDHOEK – Uudhano woBank Windhoek Volleyball Association owa li wa tata wayindula mehuliloshiwike lya zi ko sho uudhano wa li wa dhanwa mooliha dhomondingandinga yoshilongo, konooli osho woo koZambezi.
Omudhengo gwomoliha yoCentral Volleyball Association ogwa tameka tagu pupyala naashi twa taalela oshiwike shahugunina, omahala agehe onkene natango ga egulukila aasindani.

Oosipana otadhi idhewula dhi itula mo nomalongekidho gwuudhano womOlyomakaya oga kwata miiti. MEtitatu lyomasiku 18 Juli, moshimpungu shaalumentu, UNAM okwa li a dhenge mo City of Windhoek (COW) 3-0, NDF okwa dhenge NUST 3-0 naNampower okwa dhenge 21BDE 3-2. Moshimpungu shaakiintu, DTS okwa dhenge NUST 3-0, Khomas Nampol Volleyball Club (KVNC) okwa dhenge UNAM 3-0 naNDF okwa dhenge NUST 3-0.

MOlyomakaya mo21 Juli molumpangwa lwaalumentu, Nampower okwa li a yangata po iitsa ihetatu sho a dhenge NDF, UNAM naNUST.
21BDE naye okwa li a toola iitsa itatu konima sho a zi konima okudhenga NUST 3-1. UNAM okwa li a dhenge SKW 3-0 nondjenda Nakagreen oya sindana 3-2 ya dhenge NUST. Muudhano waakiintu, UNAM okwa li a sindana 3-0 a muudhano wawo naNUST ashike oya li ya tulilwa mo ombiliki konima yethimbo sho ya dhengwa 3-1 koDTS. Revivals Volleyball Club (RVC) oya dhenge NUST nookoola 3-0 nokonima yethimbo oya ka hanagulwa po koNDF 3-0. KoFar North Volleyball League, Osipana yoSix Stars Stars Volleyball Club oya li ya dhana uudhano wawo wagunina woshikako shuudhano wovolleyball nokudhenga mo Eenhana VTC Volleyball Club 3-0. Eenhana oVTC odha li dhi ikutha kohi nokudhenga mo Medipark 3-1. Uudhano wahugunina wesiku mboka wa li wu li pokati kaNakapele Boys noMedipark mboka wa nyanyudha
Medipark sho a sindana 3-2. Nakapele Ladies oya dhenge mo Eleven Warriors Volleyball Club 3-2.

KoZambezi Volleyball Association mehuliloshiwike twa zi okwa li iiti tayi teka sho mEtitano UNAM KMC a li a hanagula po Boys 3-0. Uudhano uutiyali owa mono wo Hippos a li a ulukile Youths (NYC) komutse gwondjamba, nokwa li e mu pe 3-0.
Mehuliloshiwike twa taalela Hippos ota ki ipa mo naUNAM Sparks, Youths ota ki inika komakombo noBoys VC, noUNAM KMC taya ka kundathana noUNAM Sparks muudhano wahugunina.

LEAVE A REPLY

Please enter your comment!
Please enter your name here