Kehe esiku aanasikola ye li 127 otaa ningi omapunda moNamibia

0
88
Erginus Endjala

Victoria Kaapanda

OKALONGO/OMUTHIYA – Kehe esiku moNamibia uunona wosikola wuli 127 otawu ningi omategelelo. Uunona mbuka uunona hawu hiti osikola, wu li kohi yoomvula 17. Shika osha popiwa komunapolotika Margaret Mohoto, ngoka gwomOmutumba Gwopashigwana, ano oPaliamende. “Oku popya uushili wowene, ngame ina ndi nyanyukilwa nando okuuva kutya aanona ye li 127 ohaaningi omapunda kehe esiku moshilongo shetu muka. Omuyalu nguka omunene unene. Tala owala kutya omvula oyi na omasiku 365, ndele to tala nee komwaalu guunona mboka taya ningi omapunda kehe esiku,” osho Mahoto a lombwele aanona mOshikoto oshiike shika.

Ota ku ti wa wo mOmusati uunona wosikola yeithike po 443 owuna omategelelo, oshinima shoka shimwe sho sha yematitha Ngoloneya gwoshitopolwa Omusati Erginus Endjala. Oshikoto nashowo oshi na uunona wosikola owundji wuna omategelelo.
Ngoloneya ta popi ta ti, sho a li apewa omwaalu okuza kuuministeli welongo uunona wu li 443 owa mita okuza petameko lyomvula ndjika sigo omomwedhi nguka tu li.

Endjala okwa ti okwa yemata kuunona wosikola woomvula 10-12 tawu miti moshitopolwa shaMusati, ndhono okwe dhi popi moonkundathana nonzokundaneki ndjika mEtitatu lyoshiwike shika.
“Oshitopolwa shaKalongo oshi li pombanda momwaalu shoka shi na aanasikola ye li 78 ya mita, omvula ndjika, taku landula oshitopolwa shEtayi, ashike aanasikola

Uunona wosikola pOsekondele yIipindi mOshikoto owa lombwele Mahoto, naakuutumbi aakwawo mOmutumba Gwopashigwana, kutya yo ohaa ningi omategelelo shaashoka taadhiminikwa kaanona yomapupi gawo. Yamwe oya ti wo kutya aakuluntu yawo nayo ihaa popi nando naanona kombinga yomategelelo. Yamwe oya ti ohaa yi momilalo opo yamone iinima iiwanawa mbyoka itaa vulu oku pe wa momagumbo gawo.
Mahoto okwa ya mukula kutya osho naanaa elalakano lyawo oku talelapo oosikola, shaashi oya hala okuuva kutya omashongo gatya ngiini gataalela aanona mboka ta ya ningi omategelelo moshilongo.

“Oku ninga epunda kashishi omoode nando. Ina mutya owala oteningi epunda shaashi kahewa gwandje okuna epunda. Oto ka iyadha wu li moluhepo, shaashoka wathigile po osikola omolwa epunda,” osho Mahoto alondodha aanona.

Endjala ota ti oku uvite uudhigu oshoka kape na nando iipotha ya lopotwa ya tya ngaaka sigo onena, noshinima shi li ngaaka okwe shi talako kutya mboka ya mitike uunona wu thike mpoka oya kwata onkonga noye na okukala ya heka uunona opo ya vule okuya nawo miihulo.
Kundana sho a li a pula ngoloneya kutya oshike hashi etitha omwaalu gu thike mpoka guunona wosikola tawu miti, Endjla okwa li a yamukula kutya natango ke shi shi kutya oshike tashi etitha uunona woskola wu ye miihulo wu li moomvula dhi thike mpoka.

Ashike ota ti aakuluntu oyendji moshitopolwa shaMusati, oya siminake uundingosho, nesiloshimpwiyu lyuunona kaye li na nando.
Aakuluntu ngele taya zi kuukambo ya nwa omangandja nena ohaya thikile taya ka lala, kaye shi shi ngele uunona omo wuli momagumbo, nonkalamwenyo yi li ngaaka otayi shanagululapo oonkalamwenyo dhuunona oshoka kaye li mesiloshimpwiyu lyasha.
Kundana okwa li a yi moonkundathana nomukalimo gwomOkalongo, ngoka a li a hokololele onzokundaneki ndjika kutya, aakalimo yomOkalongo inaya simaneka elongo nando okashona, ta ti omukuluntu ngele e wete okanona ke itaka yi kosikola ke wete pe na nando epuko lyasha.

Ta gwedha po kutya okuwute kutya, aakalimo yomOkalongo oya pumbwa okupewa omalongo nokuuvithwa ko esimano lyelongo nankene ye na okuuvitha ko aanona yawo momagumbo ya tseye wo esimano lyosikola.
“Out li konima nelongo nayi, ngele owa tala nawa moshilongo muka omwaalu omushona to adha omukalimo a za koshitopolwa shaKalongo a longwa, nando owa tala kiipitudhilo omwalu omushona hagu shi pondola.
Omukalimo gomOkalongo ta thamuna.

Ta popi ta ti uunona womoshitoplwa shawo, kondondo 10 ohawu thiki ko nuudhigu, uunona woomvula 10 owa shuwa nale okuya miihulo, ashike otashi yemateke oshoka oonkalamwenyo dhuunona odha shonopalekwa wo kau uvite ko nando kutya elongo oshike, sha simana kuyo ongele ye na uunona.

LEAVE A REPLY

Please enter your comment!
Please enter your name here