D’ The Onner a pititha oalbuma

0
85

Maria Namupala

ONYAANYA – Omuhikingalo Ingashipola David Malulu a tseyika nawa nedhina lyokwiimba oongalo D’The Onner, okwa holola ohokwe nehalo lye mokuhika oongalo, kakele omolwa ompumbwe yoshimaliwa she mu kwata moshipala opo a pule komeho ye a gandje etumwalaka moshigwana.

D’ The Onner omvalele yokomukunda Okalonga moshitopolwa shaMusati nongaashingeyi oha kala momukunda Onashikookaya momudhingoloko gwOnyaanya, oku na omimvo 24, nohiimbi oongalo dholudhi kehe.

“Ehalo nohokwe yokwiimba oongalo oye ya mungame sho nda mana ondondo onti-10, nonda kala handi imbi nooyakwetu pomudhingoloko gwetu, sho nda tembukile kOnyaanya onda li nda tsuwa omukumo kokuume kandje shoka sha pendula omadhiladhilo gandje opo nduulike uunongo nuunkulungu wandje,” ta yelitha ngaaka.

Okwa ti oondjodhi dhe odha tsu mo2015, sho a li a pititha oalbuma yehwata lyoongalo ondumba, ndjoka tayi ithanwa Omugundjuka Inyenga, shoka ta ti okwe yi nunina aagundjuka ya kambadhale nokupalaapala po, yo kaaya kale momapandaanda taya yonagula noku lundulula iinima yaantu.

Ta yelitha kutya omolwompumbwe yoshimaliwa okwa kala ta nana nuudhigu opo a pule komeho noshitalenti she, ta ti aluhe uuna ta kambadhala a pule komeho omashongo gopainiwe ogo ge mu imba a vule okwiimba oongalo nokupitithe ooalubuma odhindji ngaashi shi li pauvaneko lye.

Omasiku ngaka omatalala okwe shi pondola nokwa mana okuteleka oalubuma ye ontiyali, ndjoka a ti okwa longa nayo uulethimbo opo a kwashilipaleke kutya ayihe oya pwa okulongekidhwa, noyi na etumwalaka lyina omulyo gwa tsa, notayi nyuwitha omakutsi.
Oalubuma ndjoka otayi ithanwa Li-Control nomuna uungalo omugoyi (9), moka mwa kwatelwa Onkalamwenyo, Enota nondjala, aantu yomwenyo, ondina okuundula emanya opo a tale ngele ta ligu.

Tati moongalo dhe adhihe odhina etumwalaka lyetsomukumo, nokwa pula ayehe yedhi pulakene nokupulakena woo iitya nawa molwaashoka anuwa otayi tisha monkalamwenyo yomuntu kehe.

“Ondakala tandi kongo omakwatho mpaka naampeyaka nondahala okupandula omusamalia omunamutimahenda Sydne Mulewa, ngoka a pendje eyambidhidho opo ndi pitithe oalubuma yandje ndjika, nongashingeyi ondeyi tula moshigwana opo yi pulakenwe nawa,” omuhikingalo ta gwedhapo ngaaka nenyanyu.

Tati okwa tokola a talelepo iitopolwa ya yooloka moshilongo, ye iitseyithe nokugandja etumwalaka kaaholi yoongalo dhe, tati okwa tegelela ayehe mboka yena ohokwe nehalo lyoongalo ya kale taya holoka uuna yuuva kutya okuli pehala lyontumba.
Kakele kokwiimba oongalo omumati nguka omugundjuka ota kambadhala opo iimonene okashona ke komondjato, a vule okupitithe nokwiimba oongalo odhindji, okwa Tameka okulanditha okapana komanyala goondjuhwa oshowo omitse, moka tati okwali a gongele nokwa vulu okukwata wumwe womuungalo we noshimaliwa shoka a monomo.

Okwa kunkilile aahikingalo ooyakwawo yiimbe oondjimbo tadhi tungu, notadhi vulu okupulakenwa komuntu kehe.

LEAVE A REPLY

Please enter your comment!
Please enter your name here