Dumeni Josephine a kangele Beata Naigambo methigathano lyaOld Mutual

0
61

Shipi Elago

OSHAKATI – Omumatuki a tseyika nawa miinano iile moNamibia omukiintu Beata Naigambo okwa li a kangelwa kuDumeni Josephine ngoka e ya methigathano ndika kee na edhina nokwa li a kumitha mboka ya li taya ondodha omeho mOshakti ehuliloshiwike lya za ko.
Dumeni okwa li a kangele Beata moshinano shookilometa 21 shoka a li e shi mana muule wethimbo lyowili yimwe nominute omilongo mbali nayimwe noosekonde omilongo ntano nahetatu (01:21:58).

Beata Naigambo okwa li e ya pehala etiyali moka a li a matuka oshinanano shookilometa 21 meni lyethimbo lyowili yimwe ominute omilongo mbali nambali noosekonde omilongo ne nahetatu(01:22:48).

Shiivomwene Shilongo okwa li a kutha po ehala etitatu moshinano shoomeme shookilometa 21 moka a li e shi mana muule wethimbo lyowili yimwe, ominute omilongo mbali nantano noosekonde omilongo mbali nahetatu (01:25:28).
Kondjashili Kefas oye a sindana po oshinano shookilometa shoka a li e shi matuka uule wowili yimwe, ominute hamano noosekonde omilongo ne nomugoyi (01:06:49).

Palus iiyambo okwa li e ya pehala etiyali moshinano shika nethimbo lyowili yimwe nominute hamano noosekone omilongo ntano naheyali (01:06:57).

Palus Daniel oye e ya pehala etitatu moka a li a matuka uule wowili yimwe, ominute heyali noosekonde omilongo ne naheyali (01:07:47).

Asser Nalukaku oye a li a toola po ehala lyotango moshinano shookilometa 10 shoka Old mutual ineeshi tula we koshiyalo nokamwaalu okashona kowala ka li ka kutha ombinga muudhano mbuka,simon Paulus okwa li a kutha po ehala etiyali , omanga embalangandja muudhano mbuka omukokele Reonard Namupala ngoka ngashiingeyi e li pomimvo 35 a li a toola po ehala etitatu nolyahugunina moshinano shika.
Victoria liteka oye a sindana po oshinano shookilometa 10 ta landulwa kuShapwa Vitoria pehala etiyali omanga Rauna Eelu a li eya pehala etitu.

Omandiki gaantu mboka haya lumbu nuulema nago oga li ga kutha ombinga moka ya li ya kutha ombinga moshinano shookilometa ntano moka aamatuki ya li ya zi mokalaba yaanuulema mOshakati yOshakati Heroes Club nEluwa Special School mOngwediva.
Oshakati Heroes Club oya li ya pewa okompiuta yopeke oshoka oya li ya tumu omwaalu omunene gwaakuthimbinga .
Shekutaamba Nepembe omugandjimulombo mOld Mutual okwa li a holola kutya uudhano mbuka otawu ende tawu koko omumvo kehe noku ulike kutya nuumvo oye li ya mona omwaalu omunene gwaamatuki ye na ongushu okuyelekanitha nomonakuziwa.

Uudhano mbuka ngashiingeyi owu na ko ashike olweetho lumwe ndoka talu ka kala ko kOveduka momasiku 18 gaAguste moka shiti ta ka tekela mbundje opo ku talike ngoka ta ka kutha po epapa lyuudhano mbuka .

Aasindani yoshinano shokilometa 21 mboka taya ka tothwa mo ashike konima yuudhano wahugunina mOvenduka otaya ka pandulwa kehe gumwe nokapandi kooN$15 000, notaya ka futilwa omalweendo gwokuya kuudhano woTwo Ocean Marathon mboka tawu ka kala ko mu Apilili omumvo tu uka.

LEAVE A REPLY

Please enter your comment!
Please enter your name here