Napu ningwe shike kombinga yomategelelo guunona wosikola?

0
53

Ethimbo otashi vulika lya thika moka aakuluntu taya pulakene kaanona. Kashi shi ashike okupulakena ashike okupulakena neiyitulemo kushoka aanona taya popi. Oshikumungu shuunona uushona tawu ningi omategelelo otashi kumitha. MOmusati amuke omwa monika mu na aanona ye vule 400 ye na omategelelo, moka omayalululo taga ulike kutya konyala aanona 127 otaya mono omapunda esiku kehe.Ashike oshike tashi ningitha aanona aashona omapunda? Yamwe oya popya kombinga yelongithonayi lyiikolitha, yamwe otaya ti omashongo gomokamukondapweyu, oshoka ookuume kawo oye na aamati nuunona.Yamwe otaya ti aakulunttu yawo ihaya popi nayo kombinga yiiponga yomapunda. Kehe tuu shoka osho shi li mondjila, ethimbo olya thikana opo aavali, aaleli yopamuthigululwakalo, aaleli yongeleka osho woo aanapolitika ya popye newi limwe alike. Otwa pumbwa oku uva ko oshinima shika. Okukala nuunona 127 tawu mono omapunda esikukehe osha hala okutya uunona wosikola wu li 40 000, wu li kohi yomimvo 17, mboka itaawu mana osikola oshoka mowu na omategelelo. Shoka kasha shi oshinima oshiwanawa. Ope na okuningwa sha.

LEAVE A REPLY

Please enter your comment!
Please enter your name here