Omuhikingalo Jomolizo a hulitha

0
2280

Omuhikingalo ngoka a tseyika nawa moshilongo Halweendo Moses nedhina lyokwiimba Jomolizo okwa hulitha ombaadhilila Etiyali lyoshiwike shika. Uuyelele mbuka owa kolekwa komukwateli gwe komeho ngele tashi ya koongalo Antonio Djodick. Djodick okwa ti onkundana yoluhodhi oye mu ziile konooli yoshilongo komatango, noshi li tashi yemateke. Jomolizo okwa tseyika nawa nokaholikengalo kakehe Kaandjetu, hoka ka kala taka dhana onkandangala nokunyuwitha omakutsi goyendji. Pethimbo ndika nakusa Jomolizo okwa pititha ooalbuma mbali, yotango Kaandjetu, ontiyali Epata Lange, nokwaadhika opo a mana okuteleka oalbuma ontitatu tayi ithanwa Ondakula moka a longa pamwe naShitana. Antonio okwa popi kutya eso lyaJomolizo olye ya dhenga unene pomitima molwaashoka okwa adhika ta kondjo nokuhumitha komeho oshipewa noshitalenti she, ye ta tumu etumwalaka tali tungu moshigwana. Pahokololo lyaAntonio nakusa okwa tameka okwiimba mo2009, nokwa kala ta nana nuudhigu molwaashoka aluhe etameko kali shi epu.  Okwa li a longo nuudhiginini nokwa pititha iihikomwa ye yotango mo2015. Onzo yi shi oku inekelwa ndjoka ye tu pe uuyelele, oya ti nakusa okwa li ta nyenyeta uuwehame womepunda, nokwa kala ta zi ombinzi komayulu nomokana. Okwa li anuwa a yi koshipangelo kEngela  naasho kuume ke ngoka e ke mu talela po mombete yuuwehame okwe mu lombwele kutya okwa pewa uuzigo, nokwa ka hulitha owala lwanima. Okwa li omukalimo gwokOmafo, nokwa thigi ko uunona we utatu naakuluntu ye.

LEAVE A REPLY

Please enter your comment!
Please enter your name here