Omulumentu a dhika a hulitha mohauto

0
929

OHANGWENA-Oshipotha shedhipago osha li sha patululwa moshitaasi shaHangwena, sho omulumentu gwoomvula dhopokati a adhika a hulitha mohauto ongulohi yEtiyali.

Omukuluntu gwopolisi moshipolwa shaHangwena Kaume Iitumba okwa ti oshiningwanima shono osha li sha lopotwa ongulohi yEtiyali potundi 8:30 nosha ningilwa mOnhuno.

Otaku hokolwa kutya omulumentu ngoka gomuAngola nongaashingeyi ita vulu okutumbulwa edhina lye oshoka aakwanezimo ye inaya tseyithilwa natango okwa li a monika kumwene gwohauto.

IItumba okwa ti ohauto ndjoka oya li ya falwa kongalashe noya li ya kala po iiwike yi li iyali omanga ya tega yi pwe okupangelwa. Elalakano lyamwene gwohauto olya li okuhwameka oyindjina, nomo ku ka patulula ohauto ye okwa adha ko omudhimba.
Ta popi kutya ita vulu okuhokolola oshindji oshoka kape na natango uyelele kutya olye a dhipaga nakusa, nomakonakono gopolisi oge li metifa.

LEAVE A REPLY

Please enter your comment!
Please enter your name here