Ohangwena ya totha mo omanyakwa gwosipana yoongonyo yoshitopolwa

0
35

Shipi Elago

EENHANA – Oshitopolwa shaHangwena ehuliloshiwike lya za ko osha li sha unganeke omawudhano goongonyo opo ya hogolole omakanda ngoka taga ka kalela po oshitopolwa shawo muudhano wopashigwana woongonyo , mboka tawu ka kala ko koshitopolwa shaZambezi mo30 Sepetemba sigo 03 gaKotomba.

Osipana ndjoka tayi ka kalela po oshitopolwa shaHangwena oya thikama po maadhani ngaashi taya landula mpa, Nicanor Kleopas moshiviha shoolilohalama 44-46 Okongo Boxing Club.

David Lukas moshiviha shookilohalama 49 a za koIntelligence Boxing Academy, Ndilenga Mathew moshiviha shookilohalama 52a yambuka kEenhana Boxing & Fitness Academy,Ndevelo Try –Again moshiviha shookilohalama 60 a zi kEenhana Boxing & Fitness Academy, Djuulume Gabriel gwoshiviha shookilohalama 64 ,a yambuka kOkongo Boxing Club,Haimbodi Sion moshiviha shookilohalama 69 naye okwa za kOkongo Boxing Club naAnanias Engobe moshiviha shookilohalama 75, a za koMichael Boxing Club.

Omukwatakanithi gwuudhano woongonyo mOhangwena Israel Hamutumbangela okwa li a holola kutya oshitopolwa shaHangwena oshi li sha yambekwa noshitalenti shokudhenga oongonyo ashike oye li ya taalelwa komashongo giikwa niipangitho yokukwathela aadhengingonyo ya humithe komeho iitalenti yawo nuupu nuupenda.

Ta ti oshitopolwa shaHangwena oshi na ookalaba dhokudhenga oongonyo dhi li 10 noye li ye na aadhengingonyo ye thike po 500 moshitopolwa nomwaalu otagu londo esiku kehe.

“Otandi indile kehe ngoka e na oshigwana shokomongula komutima opo a yambidhidhe omawudhano mOhangwena nokashona hoka e na po , ondi inekela ota ka ka ninga eyooloko momawudhano,” Israel ta ti.
Okwa ti olwindji ohaya longitha okashona hoka ye na moondjato dhawo opo ya kwathele uunona muudhano wawo.

LEAVE A REPLY

Please enter your comment!
Please enter your name here