Omaulikilo goohango ge enda nawa

0
56

Pinehas Nakaziko

WINDHOEK – Oshiindingili oshitiyali shoNamibia Wedding Fair sha li sha ningilwa pehala lyomaulikilo giipindi enene moWindhoek Olyomakaya ga zi ko osha li sha ende nawa, nosha thigi oyendji taya popi.

Sho aantu oyendji pethimbo ndika yah ala oku uva okanaku kombinga yoohango, ookuume, aafuko osho woo aantu yalwe oya li ya mbobolokele puutala womaulikilo ngaka opo ya tale shoka taya li po, naashoka taya pe po ookatali. Nonando omaulikilo ngaka kaga li ga mona aantu oyendji ngaashi omvula ya zi ko, mboka ya li ko otaya ti oga li ga longekidhwa nakupwe.

Omvula ndjika omaulikilo oga li ga nana aawuliki ye li 30, moka mwa kwatelwa Francis Photo Studio, NWR, Leni Clothing, Loyal Boutique, Touched by Suoma, Hair, Warehouse noGalax Advertising, okupopya po ashike yamwe. Gumwe gwomaauliki, Esther Iyambo, okuza koBrown Sugar Parties okwa ti nonando aantu ye na omaipyakidhilo ogendji, aantu oyendji oya li y ningi onkambadhala yokuthika.” Osha li monkalo ombwanawa. Shika osha li ompito ombwanawa kutse okulanditha oongeshefa dhetu,” Iyambo ta ti ngaaka.

Victor Shilongo okuza koFrancis Photo Studio okwa ti nonando oshiindingili kasha li sha tseyithwa nawa okuhila aantu oyendji, oya li ya mono aantu oyendji pokatala kawo mboka ya li ya hala okuuva oshindji kombinga yomayakulo gawo gomathano. “Otandi dhiladhila kutya aawunganeki oshikando tashi ya naya longithe omikalo wo dhilwe dhokutseyitha ngaashi iifokundaneki osho wo mbyoka yopaintaneta,” Shilongo ta ti.

Oshiindingili osha li sha hulu neuliko lyoonguwo, moka aawuliki yoonguwo ya li yu ulike iizalomwa yawo osho wo iinima yilwe.
Iinima mbyoka ya li momawulikilo oya kwatela mo aathaneki, iikuki yoohango osho wo kehe tuu shoka shi na sha nohango, ayihe tayi ulikwa pehala limwe. Opwa li woo iikulya yopamuthigullwakalo nomaviinyu gomaludhi.

LEAVE A REPLY

Please enter your comment!
Please enter your name here