Onandjokwe otayi ka thikamithapo endiki lyoonzo dhomauyelele mbala

0
73

Maria Namupala

ONIIPA – Omolwa eliko lyoshilongo tali shongola ewiliko lyopombanda moshipangelo shaNandjokwe olyali lya tokola opo li tamekithe oshinyangadhalwa shawo shotango shokugongelela endiki lyoonzo dhomauyelele moshipangelo shoka.

Oshinyangadhalwa shoka shotango oshali sha ningwa ehuliloshiwike lya ziko, poshipangelo mpoka. Moonkundathana ndhoka twa ningi nomukuluntu goshipangelo shoka nokuli omundohotola paithano Akutu Munyika, okwa yelitha kutya omolwa onkalo yeliko lyoshilongo tayi limbilike, oyali ya mono shoopala opo ya tsakaneke epangelo ondjilakati, yo taya gwedhapo kiihohela mbyoka taya pewa okuza kepangelo yo yiikwathe mokuthikamithapo endiki ndyoka.

Munyika okwati nonande oshipangelo shawo hashi dheula oondohotola naapangi oyiiyadha yeli monkugo yina onkambe molwaashoka kayena ehala lyaandjuka, onegele oomoka ando tamu adhika oongulumambo, ehala lyokuningila iigongi oshowo endiki moka aalongwa naapangi taya kala taya kongo omauyelele ga pamba iilongwa yawo.

Ta gwedhapo kutya oya hala opo oshipangelo shawo shi kale sha yambukapo notashi gandja omayakulo agehe giihwapo, ngaashi okuyakula aavu oshowo ayehe mboka ya pumbwa ekwatho lyopaunamiti, naashika otati otaya pondola owala uuna aapangi noondohotola ya mona omadheulo ga pyokoka, nuuna yena iilongitho yopashinanena noya gwana.
woomvula mbali lwaampo, tati okuna omukumo kutya otaya ka kala ya gongela oshimaliwa sha gwana.

“Otwa thaneka ongeleka ndjika ompe yi tungwe pamuthika goshinanena elela opo aakwanegongalo yetu ya kale taya gwanamo, nonande tayi ka pula oshimaliwa oshindji otatu ka longa ngaashi tatu vulu moku etapo oshimaliwa tse tu thikamithepo ongeleka oyo tuu ndjika,” Nendongo tati ngaaka.

Ndohotola Munyika tati kakele kendiki lyoonzo dhomauyelele ndyoka ya thaneka lika tungwe, oshipangelo shawo osha kulupa unene noya hala okulongulula nokwoopaleka omatungo ga mwepo ngoka taga monika geli monkalo ombwinayi noga nyayika.
“Oshipangelo shika osha totwapo momumvo 1908, nosha kala shili mewiliko lyongeleka onkwaevangeli paLuther, naasho shayi miikaha yepango otatu lalakanene okushilongulula, sho shi tsikile okugandja omayakulo omahwepo notaga mbilipalele aayakulwa ayehe”, Munyika tati ngaaka.

Tati pathaneko lyawo ayihe mbyoka otayi pula oshimaliwa shoomiliona N$3,6 noya thaneka ya kale taya longekidha iinyangadhalwa ya yooloka yegongelo lyoshimaliwa, yo taya yambidhidha epangelo kombinga yimwe, tati ngele oya mwena itaaya ningi omalongekidho kuyo yene kayena sho taya pondolapo unene pethimbo ndika lyoshikukuta oshidhigu sha guma oshilongo ashihe.

Munyika tati otaya kala taya unganeke iinyangadhalwa ya yooloka, yo ya tale kutya taya adha peni, molwaashoka oya hala okuhwepopeka onkalo sho oshipangelo shi kale tashiimonikila miipangelo iikwawo, tati oyena omukumo kutya onkalo oyina okugalukila kuuwanawa mule wethimbo efupi.

Okwati otaya kala ya Tameka netungo ndyoka oshowo okwoopaleka omatungo goshipangelo uuna ya mona oshimaliwa shoka sha gwana.

LEAVE A REPLY

Please enter your comment!
Please enter your name here