Oshakati tashi eta po oompito dhiilonga okupitila miipindi

0
32

Nuusita Ashipala

OSHAKATI – Ngoloneya gwoshitopolwa shaShana Clemens Kashuupulwa okwa ti omaulikilo giipindi yaanyasha ngoka opo ga hulu onkatu ombwaanawa okuyambidhidha oonkambadhala dhepangelo mokweeta po oompito dhiilonga.

“Okupitila mehwahwameko lyiipindi moka tatu vulu okukokitha oongehsefa nehumokomeho shoka shi li oshinima sha simana koompito dhiilonga yaagundjuka,” ngoloneya ta ti.

Ngoloneya ta ti epangelo olya li tali longo nuudhiginini okweeta po omudhingoloko tagu yambidhidha okumona iimaliwa yi uke ketotepo lyoompito dhiilonga.

Ta ti oobiliona N$7 ndhoka epangelo lyi ikalekela okutota po oompito dhiilonga ngaashi osho sha li sha lopotwa kiifokundaneki otashi ulike kutya epangelo olyi li ompinge niilonga tayi kana onkene otali kongo okutota po oompito dhiilonga.

Ngoloneya ta ti aagundjuka nayo naya kambadhale okumona oompito dhoongeshefa ndhoka tadhi eta aantu yi ikute yoyene moshilongo.
Ta pendula wo oRegional Youth Forum sho ye ya po nedhilaadhilo ndika lyoku eta po oongeshefa oonshona naandhoka dhopokati opo dhi ye dhi ulike iilandithomwa yadho.

Ta popi poshiindingili opo tuu mpoka, Minista yOmaudhano, Iipambele Yaanyasha nOmayakulo Goshigwana okwa li a tsu aagundjuka omukumo ya kale ye shi okunyotodhola moku eta po oompito dhiilonga.

Ta pula wo aanyasha ya tule iimaliwa yawo noonkondo miinyangadhalwa mbyoka tayi ya zile sha. Yo yi ikaleke kokule komayihumbato ga nika uukolokoshi.
“Ngele ohole yeni oya lulu, nena za mo,” minista ta ti.

LEAVE A REPLY

Please enter your comment!
Please enter your name here