Tobias Hainyeko ayihe koonono otayi ka mona olusheno mo2022

0
31

Loide Jason

WINDHOEK – Oshikandjohogololo shaTobias Hainyeko otashi ka kala shi na olusheno ashihe koonono momumvo 2022, shika osha li sha kolekwa kukansela gwoshikandjohololo shoka Christopher Likuwa.

Tobias Hainyeko oshikandjohogololo shoka shi li moKatutura moka mu na aakwashigwana oyendji haya zi moombashu na kaye na omalusheno.
Ashike kansela gwawo okwa lombwele Kundana kutya elelolyondoolopa lyaWindhoek olya tengeneka woo opo li tulepo oshitaasi oshinene shoka tashi gandja olusheno moshikandjohololo moka opo kehe gumwe a kale e na olusheso.

Likuwa okwa ti ngele oshikandjohololo ashihe osha pwa ko kolusheno nena iiponga yoombashu tadhi pi mbyoka ya onda moshitopolwa otayi ka shuna pevi .

Ndhika okwe dhi popi sho a li a yi moonkundathana naKundana mombelewa yoshikandjohogololo moWindhoek.
Okwa hokolola woo kutya kakale kolusheno ndoka talu lalakanenwa okwaandjakanekwa moshikandjohogololo shoka omu na woo oompito dhoomalondekelo gwootaxi ndyoka tali ka egululwa pambelewa.

Okwa ti kutya kombinga yaKahandja Park otaku ka patululwa ehala lyomahelulilo gwootaxi ndyoka lya pwa nale nokuli, ihe olya tegelelwa ashike okupatululwa pambelewa.

Oshoka aniwa mboka haya falwa sigo oohoka kiiyenditho mbyoka hayi ithanwa ootaxi ohaya futithwa lwaali oshoka kaku na uuhelulilo wa dhimbululwa pambelwa.

“Shika osha nyanyudha ndje noonkondo nonando ehumokomeho ohali ende kashona, ethaneko ndyoka otali etitha omukumo” osho kansela ngoka a popi.

Ngashingeyi omu na aakalimo ye vulithe pomayovi 48000 moshikandjohogololo shoka moka Likuwa a ti kutya oyendji yomuyo kayena omalusheno ihe naya kale ashike ye na etimaumbwile oshoka olusheno otalu a.

Nonando kansela okwa ti shika oshimwe shomiikandjohololo mbyoka yi na aantu oyendji moshilandopangelo Likuwa okwa ti kutya oku na etimaumbwile kutya kehe gumwe ota ka lola uuwanawa woshilongo shika.

Okwa longitha woo omutyo gwomukulugwonale kutya “ Kwa kalelelwa ku na sha,” shoka ta ti kutya nonando ehumokomeho otali ende kashona okuthika kukehe gumwe onknee ngaa kehe gumwe ota ka lola monakuyiwa.

LEAVE A REPLY

Please enter your comment!
Please enter your name here