Aagandji yiilonga naya longele kumwe niiputudhilo

0
56

OSHAKATI – Oosikola dhiiputudhilo nadhi longele kumwe naagandji yiilonga. Ndhoka odha popiwa kominista yopevi yomidhingoloko nomatalelopo oshowo oshilyo shomutumba gwopashigwana Tommy Nambahu moonkundathana nonzonkundaneki ndijka.
Nambahu okwa li a gandja omayele ge kutya oshihwepo ngele oosikola dhiiputidhilo otadhi longele kumwe naagandji yiilonga opo ya keelele emono lyiihuna lyaamboka ya mana omailongo gawo.

Ngele aagandji yiilonga taya kala taya longele kumwe niiputidhilo, nokuuvathana kutya otaya kala ye na ompumbwe yaaniilonga ye thike peni koshimpungu shontumba nena otashi kwathele okuthitika ombululu yaamboka taya kala ya mana oosikola.
“Naya kale ye na omwaalu ngoka tagu ulike kutya aaniilonga yangapi taya ka kala ya penzelwa, nenge taya kala ya thiga po iilonga moomvula dha taalelwa.”

“Ewuvathano pokati kiikondo mbyoka olya pumbiwa noonkondo oshoka ngele aanasikola oya mono kutya omwalu tagu ka pumbiwa ogundji nena oku na oku ilongela oshilongwa shoka tashi ka pumbiwa, shi vulithe aanasikola taya ilongo ashike shoka tay adhiladhila ihe sho taya ka mana eilongo lyawo oompito dhiilonga kadhi po,” Nambahu ati ngaaka .

Aanasikola taya ilongele iilonga yokomeke oya pumbiwa moshilongo , oshoka nena ngele gumwe ina ka mona iilonga, ohashi kala oshipu a ilongele ye mwene ye a vule okukuta yakwawo, pamukalo gu li ngaaka oshimaliwa otashi taandele moshilongo.
Ngele gumwe a kutu yakwawo, okwa kwathela okukandulapo ompumbwe yiilonga moshilongo, kwaamboka ya adhika ye na ompumbwe yiilonga.
Oshilongo osha pumbwa aantu ya longwa opo shi tungale sho shi kale sha yambuka po monakuyiwa, nomvula ndjoka ya tegamenwa yo2030, oya tegelela kehe shoka tashi inyenge moshilongo shi kale tashi longwa komuNamibia nenge tashi longwa moshilongo.

LEAVE A REPLY

Please enter your comment!
Please enter your name here