Bank Windhoek a patulula oshitayi mOkahao

0
51

Komutoolinkundana

WINDHOEK – Bank Windhoek oya li ya patulula oshitayi shawo oshi-55 mOkahao moshitopolwa shaMusati mOmaandaha, 13 Aguste. Oshitayimbaanga shika oshipeepeka osha li sha patululwa kungoloneya gwoshitopolwa shaMustai, Erginus Endjala, komeho gwomukwaniilwa gwaNgandjela, Johannes Mupiya, Mayola gwaKahao Immanuel Amutenya, ookansela yelelo lyondoolopa lyaKahao, Omukuluntuwiliki gwoBank Windhoek Baronice Hans osho wo omukuluntu gwomayakulo gwookastoma Chris Matthee, osho wo aakwashigwana naanangeshefa.

“Bank Windhoek oyi li mpaka nena oshoka tse otse aahwahwameki yehumokomeho, osho wo okuyambula po emanguluko lyopashimaliwa nokukumika ombepo yuunangeshfa maantu ayehe,” Hans ta ti.

Oshitayimbaanga shika osha li she etwa po konima sho omapekaapeko ga li gu ulike kutya ope na ompumbwe yomayakulo gombaanga mOkahao. Shika oshi iwetikile sho ondoolopa tayi ende tayi koko, yi na omatungo omawanwa, tamu tungwa omagumbo, oongeshefa ngaashi oositola oonene, osho wo aalandithi yopomahala oyendji. Ompito onkene opo yi li ondoolopa yi koke yo yi ye komeho.

Omukuluntu gwoBank Windhoek miitopolwa yokonooli, Aloysius Garoeb, okwa pendula oshigwana sho she ya taamba ko mondoolopa yawo.
“Otu li mpaka twe ya okugandja omayakulo mondoolopa yaKahao.” Oshitayimbaanga shika otashi ka kala naaniilonga ye li yatano, osho wo yamwe yatano yopakathimbo noshi li metungo lyaChicco.

LEAVE A REPLY

Please enter your comment!
Please enter your name here